सव्वाशे क्‍विंटल पुरणपोळीचा महाप्रसाद 

टेंभुर्णी (जि.जालना) - गोंधनखेडा येथील संत जनार्दन स्वामी गो सेवा आश्रम व गौरीशंकर महादेव आश्रमात जपानुष्ठान सोहळ्याची शुक्रवारी (ता.सात) सांगता झाली. या सांगता समारंभाच्या निमित्ताने सव्वाशे क्‍विंटल पुरणपोळीच्या प्रसादाचे वाटप करण्यात आले . विशेष म्हणजे जाफराबाद तालुक्‍यातील माताभगिनींनी या पुरणपोळ्या आपआपल्या घरी तयार करून सोहळ्याला प्रदान केल्या. 

हेही वाचा : नवीन वर्षात तरी बदनापूर बसस्थानक होईल का?

जाफराबाद तालुक्‍यातील भाविकांच्या वतीने तीन ट्रॅक्‍टर पुरणपोळीचा प्रसाद बनविण्यात आला. जवळपास सव्वाशे क्विंटल पुरणपोळीचा प्रसाद सोबत गुळवणी व सार अशा महाप्रसादाचा भाविकांनी लाभ घेतला. माधवगिरी महाराज यांच्या प्रवचनाने सात दिवसांपासून सुरू असलेल्या जपानुष्ठान सोहळ्याची सांगता झाली.

हेही वाचा : गुऱ्हाळ आता बोटांवर मोजण्याइतपत

यावेळी महेशगिरी महाराज, संतोषगिरी महाराज, ज्ञानेश्वर माऊली, राघव गिरी महाराज यांची प्रमुख उपस्थिती होती. या सोहळ्यासाठी संपूर्ण महाराष्ट्रातील भाविक गोंधनखेडा येथे दाखल झाले होते. सोहळ्याला आमदार संतोष दानवे यांच्यासह अनेकांनी भेट दिली. 

•  जाफराबाद तालुक्‍यातील गावागावांत बनविली पुरणपोळी 
•  महिलांकडून आदल्या दिवशी रात्रीच केले जाते घरोघरी पुरण 
•  ट्रॅक्‍टरद्वारे जमा होतात पोळ्या, सहा ते सात ट्रॉली भरल्या जातात 
•  आश्रमात भाविक बनवितात गुळवणी आणि सार 
• मागील तेरा वर्षांपासून सुरू आहे हा सोहळा 
• सात दिवस एक हजार जपानुष्ठानार्थींना दिला जातो फलाहार