आनंदवार्ता : उदगीरमधील सरकारी डॉक्टरांसह ५१ जणांचे अहवाल निगेटिव्ह

file photo
file photo
Updated on

उदगीर (जि. लातूर) : येथील सामान्य रुग्णालयातील मयत कोरोनाबाधित महिलेवर उपचार केलेल्या डॉक्टर्स, आरोग्य पथकातील ३१ जणांसह ५१ जणांचे कोरोना चाचणी निगेटिव्ह आली असल्याची माहिती अतिरिक्त जिल्हा शल्य चिकित्सक डॉ.  एस. एल. हरिदास यांनी दिली आहे.

शुक्रवारी (ता.एक मे) मयत कोरोना पाॅझिटिव्ह महिलेवर उपचार करणाऱ्या डॉक्टर्स व आरोग्य पथकातील ३१ जणांची दुसऱ्यांदा स्वॅब घेऊन तपासणी करण्यात आली. आठ दिवसांपूर्वी त्यांची पहिली तपासणी करण्यात आली होती, त्यावेळी या सर्वांची तपासणी निगेटिव्ह आली होती. परत आठ दिवसानंतर दुसऱ्यांदा स्वॅब घेण्यात आले. त्यांचा अहवाल निगेटिव्ह आला असून ही उदगीरकरांसाठी आनंदाची बाब आहे.

उर्वरित काही बाहेरगावाहून आलेल्या व येथील कोरोना पॉझिटिव्ह रुग्णांच्या संपर्कातील २० जणांचे स्वॅब तपासणीसाठी पाठवण्यात आले होते. त्यांचेही अहवाल सुद्धा निगेटिव्ह आले आहेत. आता सध्या कोरोना पॉझिटिव्ह रुग्णांची संख्या ही आठ असून त्यांच्यावर रूग्णालयातीला विलगीकरण विभागात उपचार सुरू आहेत. सर्वांची प्रकृती उत्तम असल्याचे डॉ. हरिदास यांनी सांगितले.

सध्या शहरामध्ये दोन रेड झोन आहेत. या दोन्ही झोनमधील जवळपास १९ हजार नागरिकांची तपासणी करण्यात येत आहे. जवळपास ३२ आरोग्य पथकाची स्थापना करण्यात आली आहे. शिवाय शहरात नव्याने दाखल होणाऱ्या नागरिकांना थेट कोरनटाईन करण्यात येत असून संशयितांचे स्वॅब तपासणीसाठी पाठवण्यात येत असल्याचे त्यांनी सांगितले. अतिरिक्त जिल्हाधिकारी अविनाश पाठक, अतिरिक्त जिल्हा पोलीस अधीक्षक हिम्मत जाधव हे उदगीरमध्ये तळ ठोकून आहेत.

रुजू होण्याचा मार्ग मोकळा
सामान्य रुग्णालयातील त्या कोरोनाबाधित मयत महिलेवर उपचार करणाऱ्या डॉक्टर व आरोग्य पथकातील ३१ कर्मचाऱ्यांचे दोन्ही अहवाल निगेटिव्ह आल्याने त्यांना रुग्णालयात रुजू होण्याचा मार्ग मोकळा झाला आहे. ते आता सेवेत रुजू होऊ शकतात.
- डॉ. एस. एल. हरिदास, अतिरिक्त जिल्हा शल्य चिकित्सक

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com