अंबड - जालना जिल्हयातील अंबड शहरातील एस.बी.आय.बँकेच्या शाखेतून बुधवारी (ता. 9) भरदुपारी दीड ते पावणे दोन वाजेच्या दरम्यान अज्ञात चोरट्याने एका ग्राहकांचे दोन लाख तीस हजार रुपयांवर डल्ला मारल्याची घटना घडली आहे..याबाबत सविस्तर माहिती अशी की, जालना जिल्हयातील तालुक्यातील शेवगा येथील रहिवासी व तहसील कार्यालयात कोतवाल म्हणुन सेवा बजावत असलेले रामेश्र्वर गणेश बारहाते हे बुधवारी दुपारी अंबड शहरातील बसस्थानक -कोर्ट रोडवरील एस. बी. आय. बँकेच्या शाखेत मित्राला पैसे पाठविण्यासाठी गेले होते..बँकेतील काउंटरवर पैसे भरणा करण्याची स्लीप भरत असताना बाजूलाच लाल रंगाच्या बॅगेत दोन लाख तीस हजार रूपये भरणा करण्यासाठी आणले होते. स्लीप भरण्याच्या नादात असताना तेवढ्यात वीस ते पंचवीस वर्ष वयाची दोन अनोळखी चोरट्याने पैसे ठेवलेल्या बॅगेवर नजर गेल्याने त्यातील एकाने काऊंटरवरील बारहाते यांची नजर चुकवीत पैसे असलेली बॅग चोरट्याने बँकेच्या शाखेतून पळविल्याची भरदिवसा घटना घडली आहे..बुधवारी (ता. 9) रात्री उशिरा अंबड पोलिस ठाण्यात रामेश्र्वर बारहाते यांनी दिलेल्या लेखी तक्रारीवरून दखलपात्र गुन्हा दाखल करण्यात आला आहे. या घटनेचा तपास पोलीस हेड कॉन्स्टेबल घाणे हे करत आहे.अंबडच्या तहसिल कार्यालयातील कोतवाल रामेश्र्वर गणेश बारहाते यांनी आपल्या मित्राकडून त्यांच्या घरगुती अर्थिक अडचणीमुळे हात उसने (खाजगी व्याजाने) पैसे घेतले होते. मित्राने कॅश रक्कम नको म्हणत बँक खात्यात टाकण्याचे सांगितल्याने मित्राला पैसे पाठविण्यासाठी बँकेत गेल्यानंतर दोन अज्ञात चोरट्याने भरदिवसा दोन लाख तीस हजार रुपये पळविले आहे..बँकेतील सीसीटीव्ही फुटेज मध्ये अज्ञात चोरटे पैशाची बॅग पळविताना चित्रित झाले. या घटनेचा पोलिस तपास करत आहेत. मात्र बँक शाखेतील सुरक्षा रक्षक व बँकेची सुरक्षितता अखेर कुठे गेली आहे. असा संतप्त सवाल नागरिकांतून विचारला जात आहे. याच बरोबर पोलिस कुठे आहे. अशी चर्चा शहरात सध्या जोरात सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
