परळी वैजनाथ (जि. बीड) : वाल्मीक कराडची एक हजार कोटींची संपत्ती जप्त करून विशेष तपास पथक (एसआयटी) नेमून संपत्तीची चौकशी करा, अशी मागणी आमदार रोहित पवार यांनी केली..येथील व्यापारी महादेव मुंडे यांच्या खूनप्रकरणी त्यांची पत्नी ज्ञानेश्वरी मुंडे यांच्या मागणीनुसार पोलिस अधिकारी संतोष साबळे व पंकज कुमावत यांचा ‘एसआयटी’मध्ये समावेश करावा, अशी विनंती मुख्यमंत्री देवेंद्र फडणवीस यांच्याकडे करणार असल्याचे ते म्हणाले..आमदार रोहित पवार, आमदार संदीप क्षीरसागर, राष्ट्रवादी काँग्रेसचे शरदचंद्र पवार पक्षाचे जिल्हाध्यक्ष राजेंद्र मस्के, राजेसाहेब देशमुख, राजाभाऊ फड यांनी मंगळवारी (ता.२९) सायंकाळी महादेव मुंडे यांच्या कुटुंबीयांची भेट घेतली. महादेव मुंडे यांच्या खून प्रकरणाची माहिती घेतली..महादेव यांच्या पत्नी ज्ञानेश्वरी मुंडे, मेहुणे सतीश फड यांनी खून कसा झाला, त्यात कोणाची नावे आली आहेत याबाबत सविस्तर माहिती दिली. यावेळी आमदार पवार यांनी पोलिस अधीक्षक नवनीत कॉवत यांच्याशी संपर्क साधून तपासाबदल माहिती घेतली..माध्यमांशी बोलताना पवार म्हणाले, ‘‘या खून प्रकरणात बाळा बांगर यांनी काही नावे सांगून पुरावे सादर केले आहेत. त्यातील नावे ‘एफआयआर’मध्ये समाविष्ट करून सखोल चौकशी करून कारवाई करावी. या प्रकरणात वाल्मीक कराड व त्यांच्या दोन्ही मुलांची नावे आली आहेत..Pune Theft: पुण्यात घरफोड्यांची साखळी; लोकमान्यनगर, आंबेगाव, विश्रांतवाडी आदी परिसरात चोरट्यांचा धुमाकूळ, १६ लाखांचा ऐवज लंपास.वाल्मीक कराडची एक हजार कोटी रुपयांची संपत्ती जप्त करून ‘एसआयटी’मार्फत संपत्तीची चौकशी करावी, त्यात कोण भागीदार आहे ते शोधून काढावे, संबधितांनी ज्यांची संपत्ती लुटली त्यांना ती परत करावी. मुख्यमंत्री देवेंद्र फडणवीस, उपमुख्यमंत्री तथा पालकमंत्री अजित पवार, उपमुख्यमंत्री एकनाथ शिंदे यांनी या कुटुंबाला वेळ द्यावा किंवा त्यांनी स्वतः या कुटुंबाशी संपर्क साधावा व या प्रकरणात योग्य ती कारवाई करावी.’’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
