गेवराई - बीडच्या गेवराई शहरात उभ्या केलेल्या कारची काच फोडून भरदिवसा दीड लाख लंपास केल्याची घटना काल बुधवारी दुपारी दीड वाजेच्या सुमारास शहरातील कोल्हेर रस्त्यावर घडली..दीपक अजीनाथ चाळक यांनी काल बुधवारी (ता. ९) दुपारी साडेबारा वाजेच्या सुमारास गेवराई शहरातील छत्रपती अर्बन बँकेतून बचत खात्यावरील दीड लाख रुपये काढले. त्यांच्याकडील चारचाकी असलेल्या चालक शेजारी सीटच्या समोर डिकीत ठेवले..दीपक चाळक हे कार घेऊन कोल्हेर रस्त्यावर असलेल्या नातेवाईक यांच्या दुकानासमोर कार लाऊन काल आठवडे बाजार असल्याने गर्दीमुळे दुचाकी घेऊन काही खासगी कामानिमित्त शहरात गेले असताना दुपारी दीड वाजेच्या सुमारास कारची समोरील काच फोडून डिकीतील दीड लाख रुपये आज्ञात चोरट्यांनी लंपास केल्याचे उघडकीस येताच दीपक चाळक यांनी गेवराई पोलीस ठाण्यात धाव घेतली..यावेळी गेवराईचे पोलिस निरीक्षक प्रविणकुमार बांगर यांच्या मार्गदर्शनात पोलीसांनी पंचनामाना केला.आज्ञात चोरट्यांविरुद्ध गुन्हा दाखल करण्यात आला असल्याची माहीती पोलीसांनी दिली असून, शहरातील सीसीटीव्ही कॅमेरेच्या माध्यमातून चोरी करणारे चोरटे कैद झाले असतील असे दीपक चाळक यांनी पोलिसांना सांगीतले..सीसीटीव्ही कॅमेरे बंद असल्याचे पोलिसांनी सांगीतले, असे दीपक चाळक यांनी माहीती दिली. दरम्यान, पोलिसांनी तपास करुन चोरटे जेरबंद करावेत, अन् माझी रक्कम मिळवून द्यावी अशी मागणी चाळक यांनी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
