जालना : सह्याद्री पर्वतरांगेतील अत्यंत कठीण आणि आव्हानात्मक गड म्हणून ओळखला जाणारा भैरवगड (जि. ठाणे) सर केला आहे, अवघ्या नऊ वर्षाच्या मुलीने..रेवा रामदासी असे या मुलीचे नाव. समुद्रसपाटीपासून सुमारे ४४०० फूट उंचीवर असलेल्या या गडाची चढाई तांत्रिकदृष्ट्या अत्यंत कठीण मानली जाते..जालना शहरातील रेवा राहुल रामदासी हिने अत्यंत कठीण आणि धोकादायक भैरवगडावर यशस्वी चढाई केली आहे. येथील ४० जण ट्रेकमध्ये सहभागी झाले होते. त्यात रेवा ही एक होती..दरम्यान, गडाच्या उभ्या कड्यावरून हात-पायांच्या आधाराने चढावे लागते आणि उतरताना रॅपलिंगसारख्या कौशल्यपूर्ण तंत्रांचा वापर करावा लागतो. रेवाने उतरताना तब्बल ३०० फूट उंचीवरून रॅपलिंग पूर्ण केली. एवढ्या लहान वयात एवढे धाडसी साहस करणारी मुलगी ठरल्याने तिच्या जिद्दीला, आत्मविश्वासाला आणि धैर्याला सर्वत्र दाद मिळत असून तिचे कौतुक होत आहे..सिद्घी, कुणाल, नेहाच्या सुस्वर गायनाने देवरुखकर मंत्रमुग्ध.भैरवगडाबद्दल ऐकलं होतं की हा खूप कठीण गड आहे. मला वाटले, एकदा हा गड सर करून पाहावा. प्रत्यक्षात वर चढताना थोडी भीती वाटली खरं, पण मग मनात म्हटलं शिवरायांच्या गडावर चढायचंय, घाबरून कसं चालेल! आणि मग हळूहळू चढत गेले. जेव्हा वर पोहोचले ना, तेव्हा मला खूप आनंद झाला.- रेवा रामदासी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
