पित्याच्या खूनप्रकरणी मुलासह मित्राला अटक

चिंचोलीतील घटना, पाचपर्यंत पोलिस कोठडी
crime
crime
Updated on

लातूर - दारू पिऊन घरी मारहाण करणाऱ्या वडिलांचा मुलाने मित्राच्या साहाय्याने खून केल्याची घटना चिंचोली बल्लाळनाथ येथे उघडकीस आली आहे. गातेगाव पोलिसांनी दोघांना अटक केली.

चिंचोली बल्लाळनाथ येथील नागनाथ खंडू काळे यांना दारूचे व्यसन होते. दारू पिल्यानंतर ते पत्नी, मुलाला मारहाण करीत. यावरून नागनाथ काळे व त्यांचा मुलगा आकाश यांच्यात नेहमी भांडणे होत. सततच्या या त्रासाला कंटाळून आकाश काळेने मित्र रोहित रघुनाथ पोपळे यास वडिलांना मारण्यासाठी वीस हजार रुपये देण्याचे कबूल केले. ३० जुलैला रात्री वडील नागनाथ काळे हे घरी एकटेच असताना या दोघांनी त्यांच्या गळ्यावर कोयत्याने वार करून करून ठार मारले.

त्यानंतर दोघे बसस्थानकावर गेले. तेथून रोहित पोपळे निघून गेला. आकाश काळे पुन्हा घरी आला व वडील मरण पावल्याची खात्री केल्याचे पोलिस तपासात पुढे आले. या प्रकरणी गातेगाव पोलिस ठाण्यात पहिल्यांदा अकस्मात मृत्यू म्हणून गुन्हा नोंद झाला होता. नंतर तपासात आकाश काळे याने मित्र रोहित पोपळे याच्या साहाय्यानेच हा खून केल्याचे उघड झाले. या प्रकरणी खुनाचा गुन्हा नोंद करून दोघांना अटक करण्यात आली. न्यायालयाने त्यांना पाच ऑगस्टपर्यंत पोलिस कोठडी सुनावल्याची माहिती गातेगावचे सहायक पोलिस निरीक्षक अशोक घारगे यांनी दिली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com