Shravan Special : हिंगळजवाडीत गोलाकार फिरणारी महादेवाची पिंड

Dharashiv News- तालुक्यातील हिंगळजवाडी येथील हिंगळजदेवी मंदिरात सतराव्या शतकातील श्री भगवान शिवशंकर यांचे मंदिर असून या मंदिरातील शिवशंकराची पिंड चक्क गोलाकार फिरते.

धाराशिव तालुक्यातील हिंगळजवाडी येथे हिंगळजदेवी मंदिर असून याच मंदिरात १६९४ ला बांधलेले श्री भगवान शिवशंकर यांचे मंदिर असून पिंड पाषाणाची असून चक्क गोलाकार फिरते. पिंडीच्या खालच्या भागात विशिष्ट ठिकाणी बेअरींगसारखी व्यवस्था असावी असा अंदाज आहे.

याचं मंदिरात गणपती, गरूडावर बसलेले लक्ष्मी विष्णू, सूर्यनारायण, महिषासुराचा वध केलेल्या मूर्ती असून त्यांचे अत्यंत रेखीव व कोरीव काम केलेले आहे.

मंदिराच्या प्रवेश द्वारावर हनुमंताची मूर्ती उत्कृष्ट कलाकुसरीची कोरलेली आहे. मंदिरासमोर दगडी नंदी असून आकर्षण व हुबेहूब कलाकृती कोरलेली आहे. हिंगजळदेवी मंदिरात श्री. भगवान शिवशंकराची गोलाकार फिरणारी मूर्ती पाषाणाची असल्याने भाविक भक्त आवर्जून याठिकाणी दर्शनासाठी जातात.(Latest Marathi News)