गेवराई - सहा महिन्यापुर्वी अनुकंपा तत्त्वावर नोकरीला लागलेल्या गेवराईच्या एसटी कर्मचाऱ्याने आगारातील वरिष्ठांच्या त्रासाला कंटाळून जीवन संपविल्याची घटना आज घडली.
त्रास देणा-या अधिका-यावर कारवाई करण्यात यावी, यासाठी नातेवाईकांनी मृतदेह थेट आगारात ठेवून ठिय्या मांडल्याने एकच खळबळ उडाली असून, दोषीवर कारवाई करण्यात येईल असे आश्वासन दिल्याने मृतदेह ताब्यात घेतला. प्रितेश जयराम मोहीते (वय-३२) रा. मादळमोही, ता. गेवराई, जि. बीड असे आत्महत्या केलेल्या एसटी कर्मचा-याचे नाव आहे.