देगलूर - शहरातील लोहिया मैदान परिसरात असलेल्या नागोबा मंदिराची दानपेटी वाकून आतील पैसे चोरून नेण्याचा प्रकार शनिवारी ता. २६ रोजी पहाटे उघडकीस आला आहे..या संदर्भात पोलीस सूत्रांकडून हाती आलेली सविस्तर माहिती अशी की, शहरातील लोहिया मैदान परिसरात नागोबा मंदिर असून शनिवार ता. २६ रोजी पहाटे ३ वाजतख दोन चोरट्यांनी मोटरसायकल क्रं एम.एच. जी. ७०४० यावरून येत ही मोटरसायकल मंदिरा जवळ उभी केली. मंदिराचे लोखंडी गेट वाकवुन आत प्रवेश केला..मंदिरातील दानपेटीतील तीन हजार दोनशे दहा रुपये काढून घेतले. मंदिराच्या दरवाजाचा आवाज ऐकून याच परिसरात राहणारे व्यापारी सूर्यकांत गंदीगुंडे, गंगाधर चाकूरकर, संगम दाचावार, अनिल बंडपा गंदीगुंडे यांनी धावत जाऊन मंदिराजवळ असणाऱ्या दोन चोरट्यांना पकडून ठेवले व पोलिसांना ही माहिती कळविली..तात्काळ पोलिसांनी घटनास्थळी येऊन आरोपी ज्ञानेश्वर लक्ष्मण कयलेकर रा. हसनाळ, ता. मुखेड व संतोष तुकाराम गाडगे रा. शहापूर, ता. देगलूर यांना ताब्यात घेऊन त्यांच्यावर गुन्हा दाखल केला आहे.व्यावसायिक सूर्यकांत गंदीगुडे यांनी दिलेल्या फ्री यादीवरून दोन चोरट्या विरोधात गुन्हा दाखल करण्यात आला असून त्यांना अटक करण्यात आली आहे. या प्रकरणाचा पुढील तपास प्रभारी पोलिस निरीक्षक नरहरी फड हे करीत असल्याचे सांगण्यात आले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
