‘या’ जिल्‍ह्यात अवकाळीचा टाळकी ज्‍वारीला फटका

jwari
jwari
Updated on

हिंगोली ः जिल्‍ह्यात रविवारी (ता.आठ) मध्यरात्री व सोमवारी सकाळी हिंगोली, कळमनुरी, वसमत, औंढा तालुक्‍यात झालेल्या अवकाळी पावसाने रब्‍बी पिकाच्या काढणीस व्यत्‍यय आला. या पावसाने औंढा तालुक्‍यातील साळणा, गोजेगाव भागात कापणी केलेल्या गव्हाचे पिक भिजले  तर टाकळी ज्वारीचे देखील नुकसान झाले आहे. जिल्‍ह्यात अनेक भागात सोमवारी सकाळपासून ढगाळ वातावरण होते. 

जिल्‍ह्यात मागच्या दोन दिवसांपासून वातावरणात बदल झाला होता. रविवारी (ता.आठ) सायंकाळी अचानक ढगाळ वातावरण निर्माण झाल्याने उष्णतादेखील वाढली होती. 

कापणी केलेल्या गव्हाच्या पिकाचे नुकसान
रविवारी मध्यरात्री पावसाच्या सरी कोसळल्या, हा पाऊस हिंगोली कळमनुरी, वसमत व औंढा नागनाथ तालुक्‍यातील अनेक गावात झाला. दरम्‍यान, औंढा नागनाथ तालुक्‍यातील गोळेगाव, साळणा भागात रविवारी झालेल्या पावसाने शेतात कापणी केलेल्या गव्हाच्या पिकाचे नुकसान झाले आहे. शेतकऱ्यांनी गव्हाची कापणी करून जागेवर गव्हाच्या पेंढ्या बांधून ठेवल्या होत्या. अचानक आलेल्या पावसाने हे पिक भिजले आहे. तसेच हरभरा पिकाचे देखील नुकसान झाले आहे. या पावसाने टाकळी ज्‍वारीचे कणीस काळे पडले असून आता कडबा देखील काळा पडणार असल्याचे शेतकरी सांगत आहेत.  

या गावांमध्ये सर्वाधिक फटका

औंढा तालुक्‍यातील साळणा, गोळेगाव, उंडेगाव, अनखळी, पोटा, पेरजाबाद या पुर्णा नदीच्या काठावर येणाऱ्या गावात टाकळी ज्‍वारीचा पेरा मोठ्या प्रमाणावर होतो. परतीच्या पावसाने खरीपातील सोयाबीन, तुर, कापूस या पिकांच्या नुकसानीमुळे शेतकऱ्यांनी रब्‍बीवर अधिक भर दिला होता. दरम्‍यान काढणीच्या वेळी झालेल्या अवकाळी पावसाने शेतकऱ्याचे नुकसान झाल्याचे शेतकरी सांगत आहेत.  

टाळकी ज्‍वारीचे कणीस काळे पडले
जिल्‍ह्यात २६ हजार ६३४ हेक्‍टरवर गहु तर ९२ हजार ६३४ हेक्‍टरवर हरभऱ्याचे पिक आहे. ११ हजार १४२ हेक्‍टरवर ज्‍वारीची पेरणी झाली आहे. अवकाळी पावसाने टाळकी ज्‍वारीचे कणीस काळे पडून ज्‍वारी काळी पडून कडबादेखील काळा होतो. तर भिजलेला गहु पांढरा होतो. हरभऱ्याच्या घाट्याचे नुकसान होत असल्याचे शेतकरी सांगत आहेत. 

परभणीसह नांदेडमध्ये ढगाळ वातावरण 
नांदेड जिल्ह्यातील सीमावर्ती भागात वादळी वाऱ्यासह रविवारी दुपारी पाऊस झाला, तर नांदेडसह परभणी जिल्ह्यात सोमवारी सकाळपासून ढगाळ वातावरण होते. या दोन्ही जिल्ह्यात कोठेही सोमवारी पाऊस झाला नाही. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com