Sadabhau Khot : अतिवृष्टीग्रस्त भागात माजी राज्यमंत्री सदाभाऊ खोत यांचा दौरा, भरपाईसाठी मुख्यमंत्र्यांकडे करणार पाठपुरावा

उमरगा : माजी राज्यमंत्री सदाभाऊ खोत यांनी शनिवारी (ता.२७) उमरगा तालुक्यातील येणेगुर, दाळिंब,  येळी आदी भागात अतिवृष्टीने झालेल्या नुकसानीची पाहणी केली. नायब तहसीलदार भीमाशंकर बेरुळे, शेतकरी संघटनेचे जिल्हाध्यक्ष सूरज आबाचने यांची उपस्थिती होती.

शेतकऱ्यांना जास्तीत जास्त आर्थिक मदत मिळवून देण्यासाठी मुख्यमंत्री देवेंद्र फडणवीस, महसूलमंत्री चंद्रशेखर बावनकुळे, कृषी मंत्री दत्ता भरणे यांच्याकडे पाठपुरावा करणार असल्याचे आमदार खोत यांनी सांगितले. मंडळ अधिकारी मनोज यमुलवाड, ग्राम महसूल अधिकारी रंजना राठोड, सहाय्यक कृषि अधिकारी शेख, आविष्कार भालेराव, सदानंद इंगळे यांच्यासह शेतकरी महेश सोनवणे, मेहबूब मुल्ला, महादेव बिराजदार, सतीश जाधव, शरण बिराजदार, अल्ताफ मुल्ला, अजीम खजुरे उपस्थित होते.

दरम्यान आमदार खोत यांनी वैशाली चॅरिटेबल ट्रस्टला भेट दिली. ट्रस्टच्या वतीने  भारतीय संविधान व बुद्ध आणि धम्म ग्रंथ भेट देऊन स्वागत करण्यात आले. यावेळी ट्रस्टचे अध्यक्ष प्रा. अजय कांबळे, उपाध्यक्ष अमोल कांबळे व संचालक मंडळ, निवृत्ती पवार, शिवलिंगप्पा माळी, व्यंकटराव मोरे, प्रा. सुरवसे, भीमराव कांबळे, रोहिदास कांबळे, संदीपान कांबळे, नागनाथ कांबळे, बबन कांबळे, अभिमन्यू कांबळे, विशाल कांबळे, हरीश कांबळे, बाबा पवार आदी उपस्थित होते.