Jintur Accident : जिंतूरला कार अपघातात चार तरुण ठार

जिंतूर (जि. परभणी) - कार अपघातात चार जणांचा जागीच मृत्यू, तर एक जण गंभीर जखमी झाल्याची घटना जिंतूर-जालना मार्गावर येथून तीन किलोमीटरवरील अकोली पुलाजवळ बुधवारी (ता.११) मध्यरात्री घडली. बालाजी आश्रोबा औटी (वय २८), बालाप्रसाद उत्तमराव घोरपडे (३०) कृष्णा बालाजी गुट्टे (२८) व रोहन संजय राठोर (२७, रा. सर्व गंगाखेड तालुक्यातील) अशी मृतांची नावे आहेत.