देवगाव रंगारी - परीक्षेला निघालेला तरुण दुचाकी अपघातात ठार झाला. ही घटना देवगाव रंगारी येथील वेळगंगा नदी पुलावर मंगळवारी (ता. १६) सकाळी साडेआठच्या सुमारास घडली..ओम कडूनाथ तुपे (वय १८, रा. बाभूळगाव बु., ता. वैजापूर) असे मृत विद्यार्थ्याचे नाव आहे. तो कुटुंबासह वाळूज- पंढरपूर येथे वास्तव्यास होता. परिस्थिती हलाखीची असल्याने ओम आई-वडिलांसोबत खाजगी कंपनीत काम करून शिक्षण घेत होता. गारज- शिऊर परिसरातील विद्यालयात त्याचे शिक्षण सुरू होते..मंगळवारी सकाळी तो वाळूज येथून दुचाकीने (एमएच २० जीडब्ल्यू ६८३४) शिऊर निघाला. दरम्यान, वेळगंगा नदी पुलाजवळील वळणावर दुचाकीवरील नियंत्रण सुटले आणि दुचाकी पुलाच्या संरक्षक भिंतीला धडकली..या अपघातात ओमच्या डोक्याला दुखापत झाली. ग्रामस्थ व पोलिसांच्या मदतीने त्याला देवगाव रंगारी ग्रामीण रुग्णालयात दाखल केले. त्यानंतर घाटीत हलवले. मात्र, रस्त्यातच त्याचा मृत्यू झाला. शवविच्छेदन करून मृतदेह नातेवाइकांच्या ताब्यात देण्यात आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
