Kannad News : नदीत पडुन पुराच्या वाहून गेलेल्या चिमुकलीचा दुदैवी अंत

कन्नड - तालुक्यातील निपाणी येथील चिमन धडी नदीच्या पुराच्या पाण्यात रविवारी (ता. २८) वाहून गेलेली प्राजंल प्रकाश कदम (८) हिचा मृतदेह मंगळवारी (ता.३०) सांयकाळी साडेसहा वाजता एन.डी.आर.एफ व महसूल विभागाच्या पथकाला नदीच्या पात्रात सापडला..प्राजंल ही चिमुकली निपाणी शिवारातील गट क्रमांक १९ मधील शेतातील घराच्या अंगणात बहिणीसोबत खेळत होती. खेळता-खेळता ती जवळील नाल्याकडे गेली असता पाय घसरून नाल्यात पडली व पुराच्या पाण्यातून वाहून गेली..या घटनेनंतर महसूल विभागाचे आपत्ती व्यवस्थापन अधिकारी, कर्मचारी तसेच कन्नड व छत्रपती संभाजीनगर येथील नगरपालिका अग्निशमन दलाचे जवान कर्मचारी व गावकरी रविवारी सकाळपासून बोटीच्या सहाय्याने नदीपात्रात शोध घेत होते. अखेर तिसऱ्या दिवशी सांयकाळी साडेसहा वाजेच्यासुमारास स एन.डी.आर.एफच्या २८ जवानांच्या पथकाला गट क्रमांक १६५ मध्ये प्रतापराव सुर्यवंशी यांच्या घराबाहेर असलेल्या नदीच्या पात्रात प्राजंल मृत अवस्थेत सापडली..ब्राम्हणी-गराडा येथील मदन राठोड (५५) हे शनिवारी (ता.२७) शिवना नदीच्या पुरात वाहून गेले आहे. तर पिशोर येथील श्रावण मोकासे (१०) हा सोमवारी (ता.२९) अंजना नदीच्या पुलावरून पाय घसरून नदीच्या पाण्यात पडून वाहून गेला..या दोघांचा शोध एन.डी.आर.एफचे जवान उपविभागीय अधिकारी संतोष गोरड, उपविभागीय पोलिस अधिकारी अग्निहोत्री व तहसीलदार विद्याचरण कडवकर यांच्या मार्गदर्शनाखाली सुरू आहे. मात्र मंगळवारी रात्री उशिरापर्यंत त्यांचा शोध लागला नव्हता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.