Wedding Trip Turns Fatal: 16-Year-Old Loses Life in Road Accident in Maharashtra
esakal
-दिनेश शिंदे
चित्तेपिंपळगाव : टाकळी वैद्य (ता. छत्रपती संभाजीनगर) येथे शनिवारी दुपारी झालेल्या भीषण अपघातात १६ वर्षीय तरुणाचा दुर्दैवी मृत्यू झाला तर ,चालकासह अन्य दोन मुले किरकोळ जखमी झाली आहेत. स्कॉर्पिओ जीप उलटल्याने हा अपघात घडला असून अपघातात मृत्यूमुखी पडलेल्या तरुणाचे नाव अभिषेक उद्धव काकडे (वय १६, वर्ष रा. वडखा, ता. छत्रपती संभाजीनगर) असे असून. अभिषेक हा आपल्या मावशीच्या लग्नानिमित्त मामाच्या गावी टाकळी वैद्य येथे आला होता. शनिवारी सायंकाळीचं मावशीचे लग्न सोहळा पार पडणार होता.मात्र लग्नघरातील आनंदाचे वातावरण काही क्षणांतच दुःखात बदलल्याने म्हस्के व काकडे कुटुंबीयांवर शोककळा पसरली आहे.
