प्रदेशाध्यक्षांच्या समोरच राष्ट्रवादीतील गटबाजी चव्हाट्यावर

निलंगा (जि.लातूर) : राष्ट्रवादी काँग्रेसचे प्रदेशाध्यक्ष तथा जलसंपदा मंत्री जयंत पाटील Jayant Patil यांच्या समोरच येथे शुक्रवारी (ता. २५) ऐन कार्यक्रमात पक्षातील गटबाजी दिसून आली. प्रदेशाध्यक्षांना हस्तक्षेप करून वाद मिटवावा लागला. हा प्रकार ‘परिवार संवाद यात्रे’त झाला. श्री.पाटील, सामाजिक न्यायमंत्री धनंजय मुंडे Dhananjay Munde, राज्यमंत्री संजय बनसोडे Sanjay Bansode , महिला आघाडीच्या रूपाली चाकणकर Rupali Chakankar, राष्ट्रवादी काँग्रेसचे Nationalist Congress Party कार्याध्यक्ष सूरज चव्हाण, जिल्हाध्यक्ष बाबासाहेब पाटील या कार्यकर्ता मेळाव्याला उपस्थित होते. पदाधिकारी यांचे मनोगत ऐकून घेताना दोन गटांमध्ये वाद सुरू झाला. शिवाय आम्ही किती वर्षांपासून पक्षात आहोत आम्ही निष्ठावंत आहोत असे सांगत एकमेकांची उणे-दुणे काढण्यास सुरवात झाली. अखेर पाटील यांना मध्यस्थी करून मिटवावा लागला. निलंगा येथे राष्ट्रवादी काँग्रेसमध्ये तीन गट आहेत. ही गटबाजी थांबवणे वरिष्ठ नेत्यांची डोकेदुखी ठरत आहे. त्यामुळे कार्यकर्त्यांच्या संवाद यात्रेत नेत्यांच्या समोरच गटबाजी चव्हाट्यावर आल्याने नामुष्कीला तोंड द्यावे लागले.two groups dispute display before ncp state chief jayant patil in nilanga

नियमांचा फज्जा

कोरोना संसर्गाच्या सामाजिक अंतराचे पालन न करता नेत्यांसह पन्नास टक्के कार्यकर्त्यांनी मास्क घातले नव्हते. गर्दी जमवून सत्तेत असणाऱ्या नेत्यांनीच नियमाचे उल्लंघन केल्याचे येथे पाहायला मिळाले.