बेलकुंड (जि. लातूर) - औसा-तुळजापूर महामार्गावरील आशिव पाटी येथून काही अंतरावर मुंबईहून उदगीरच्या दिशेने निघालेल्या दोन खाजगी ट्रॅव्हल्सचा गुरूवारी (ता. २९) पहाटे साडेपाचच्या सुमारास भीषण अपघात झाला. यात क्लिनर व प्रवासी असे दोघेजण ठार झाले. तर या ट्रॅव्हल्समधील गंभीर दुखापत झालेल्या १० प्रवाशांना उपचारासाठी लातूरच्या शासकीय रुग्णालयात दाखल करण्यात आले होते. तर अन्य किरकोळ जखमींना घरी पाठविण्यात आले.