पाचोड - भरधाव वेगातील दोन दुचाकीची समोरासमोर धडक होऊन झालेल्या अपघातात एक जण ठार तर तिघे जण जखमी झाल्याची घटना डोणगाव- विहामांडवा रस्त्यावर केकत जळगाव (ता.पैठण) येथील बढे वस्तीसमोर बुधवारी (ता. नऊ) दुपारी एक वाजेच्या सुमारास घडली..अपघातात ठार झालेल्या इसमाचे नाव गणेश भाऊसाहेब बढे (वय-३४) रा. केकत जळगाव, (ता. पैठण) असे असून जखमीचे नावे शिलाबाई बळीराम थोरे (वय-32) रा. केकत जळगाव (ता. पैठण), सागर दीपक मोरे व निशा अनिल मोरे हे दोघे रा. पिप्रीराजा (ता. जि छत्रपती संभाजीनगर) असे आहेत..यासंबंधी अधिक माहिती अशी, केकत जळगाव (ता. पैठण) येथील गणेश बढे व शिलाबाई थोरे दोघे बहीण भाऊ काही कामानिमित्त बुधवारी (ता. नऊ) दुपारी एक वाजेच्या सुमारास आपल्या दुचाकी (एम एच.२०.डि डि.४८०१) ने पैठण येथे जात असताना केकत जळगाव येथील बढे वस्ती समोरून जात असताना समोरून दुसरी दुचाकी (क्र.एमएच.२०.जी.एम.८५९०) भरधाव वेगात येत होती..यावेळी दोन्ही दुचाकीची समोरासमोर धडक होऊन यांत गणेश बढे हे जागीच ठार झाले, तर त्यांची बहीण शिलाबाई थोरे व दुसऱ्या दुचाकीवरील सागर दीपक मोरे व निशा अनिल मोरे (दोघेजण रा. पिंप्रीराजा) हे तिघे जण गंभीर जखमी झाले.सागर दीपक मोरे व निशा अनिल मोरे हे त्यांच्या कामानिमित्त विहामांडवा येथे त्यांच्या नातेवाईकांना भेटण्यासाठी आले होते..सकाळी नातेवाईकांना भेटून ते दुचाकीवरून आपल्या गावी पिंप्रीराजा येथे परत जात असतांना हा अपघात घडला. ही धडक एवढी जोराची होती की, या अपघातात दोन्ही दुचाकीचा समोरील भागाचा पूर्णतः चुराडा झाला. हा अपघातात दोन्ही दुचाक्या तीस-चाळीस फूटापर्यंत फरफटत गेल्या..स्थानिक नागरिकांना या अपघाताची माहिती मिळताच त्यांनी तात्काळ घटनास्थळी धाव घेऊन सर्वांनी तातडीने खाजगी वाहनाद्वारे पाचोड येथील ग्रामीण रुग्णालयात उपचारार्थ दाखल केले. उपस्थित वैद्यकीय अधिकारी डॉ. बाबासाहेब घुगे यांनी गणेश बढे यास तपासून मृत घोषित केले..तर इतर जखमींवर प्राथमिक उपचार करून त्यांना पुढील उपचारासाठी छत्रपती संभाजीनगर येथील घाटी रुग्णालयात पाठविले. या अपघाताची पाचोड पोलीस ठाण्यांत नोंद करण्यात आली असून पुढील तपास सहाय्यक पोलीस निरीक्षक सचिन पंडित यांच्या मार्गदर्शनाखाली पोलीस उपनिरीक्षक हरीशचंद्र बोबडे, किशोर शिंदे, गणेश बोरकर हे करित आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
