परभणी : गंगाखेडहून परभणीकडे भरधाव निघालेल्या बसची धडक बसल्याने मोटारसायकलवरील दोघे जागीच ठार झाल्याची घटना रविवारी (ता.२२) रात्री गंगाखेड रोडवरील एसटी वर्कशॉपजवळ घडली..या अपघातात एक पादचारीही गंभीर जखमी झाला. त्याच्यावर नांदेड येथील एका खासगी रुग्णालयात उपचार सुरू आहेत. रविवारी रात्री ११ च्या सुमारास लातूरहून नागपूरकडे जाणारी भरधाव बस परभणी शहरात येत होती. या बसची समोरून येणाऱ्या मोटारसायकलस्वारास जोरात धडक बसली..यात मोटासायकलवरील शेख समीर शेख मियां (वय २९, रा. शांतिनिकेतन कॉलनी, परभणी), शेख मुशरम शेख मुश्ताक (वय २५, रा. शांतिनिकेतन कॉलनी, परभणी) हे दोघे जण गंभीर जखमी झाले. मात्र, दवाखान्यात नेण्यापूर्वीच दोघांचाही मृत्यू झाला..हीच बस पुढे भरधाव निघाली असता बसने एका पादचाऱ्यास उडविले. त्यात ही व्यक्ती गंभीर जखमी झाली. त्याला उपचारासाठी सुरवातीला परभणी जिल्हा रुग्णालयात नंतर नांदेड येथे हलविण्यात आले. दरम्यान, या अपघातानंतर परिसरात मोठ्या संख्येने नागरिक एकत्र आले व त्यांनी बसचालकासह वाहकाला खाली उतरवून मारहाण केल्याची माहिती स्थानिक नागरिकांनी दिली..Pune News : प्रकल्पग्रस्तांची माहिती एका क्लिकवर; जिल्ह्यातील कागदपत्रांचे करणार डिझिटायझेशन, राज्यातील पहिलाच प्रयोग.या घटनेची माहिती मिळताच पोलिस घटनास्थळी आले. त्यांनी नागरिकांना शांत करून चालक व वाहकास ताब्यात घेतले. याप्रकरणी सोमवारी सायंकाळपर्यंत तक्रारदार न आल्याने गुन्ह्याची नोंद झाली नव्हती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
