बीड : शहरात ता. एक ते नऊ जुलैपर्यंत संचारबंदी लागू केली होती. शुक्रवारपासून (ता. १०) ही संचारबंदी शिथिल करण्यात आली. झमझम कॉलनी व शहेनशहानगर भागात लागू केलेला कंटेनमेंट झोनही शिथिल करण्यात आला; मात्र रुग्ण आढळलेल्या शहरातील ११ भागांत कंटेनमेंट झोन जाहीर करून पूर्णवेळ संचारबंदी लागू करण्याचे आदेश जिल्हाधिकारी राहुल रेखावार यांनी दिले.
लॉकडाउन शिथिल झाल्यानंतर बाजारपेठांमध्ये गर्दी दिसून आली. काही व्यापारी आस्थापनांकडून फिजिकल डिस्टन्सिंग आणि इतर उपाययोजनांची ऐशीतैशी असे चित्रही पुन्हा दिसत आहे. दरम्यान, शहरातील विविध अकरा ठिकाणी कोरोनाबाधित झालेले रुग्ण आढळल्याचा अहवाल जिल्हा आरोग्य अधिकारी डॉ. आर. बी. पवार यांनी दिला. त्यामुळे या भागांत कंटेनमेंट झोन जाहीर केले.
शनिवारी व रविवारीही बँका सुरू
मागच्या एक ते नऊ तारखेपर्यंत संचारबंदी असल्याने सर्वच बँका बंद होत्या. त्यामुळे नागरिकांची पीककर्ज व इतर बँकेशी संबंधित कामे मोठ्या प्रमाणात प्रलंबित आहेत. नागरिकांची गैरसोय टाळण्याकरिता शनिवारी (ता. ११) व रविवारी (ता. १२) या सुट्यांच्या दिवशीही शहरातील सर्व बँका त्यांच्या कार्यालयीन वेळेप्रमाणे सर्व ग्राहकांसाठी सुरू ठेवण्याचे आदेश जिल्हाधिकाऱ्यांनी दिले. दुसरा शनिवार असल्याने सुटी व रविवारची आठवड्याची सुटी होती; मात्र दोन्ही दिवशी बँका सुरू ठेवण्याचे आदेश दिले.
हेही वाचा- आमदार कुचे यांच्यासह भाऊ, युवतीविरोधात गुन्हा दाखल, युवतीकरवी भाच्यालाच पाठविले अश्लिल संदेश
बीडमधील या भागांत कंटेनमेंट झोन
(संपादन : विकास देशमुख)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.