पतीच्या त्रासाला कंटाळून पत्नीची आत्महत्या 

नांदेड : पत्नीच्या चारित्र्यावर संशय घेऊन पती सतत त्रास देऊन तिला मारहाण करीत होता. या त्रासाला कंटाळून पिडीतेने विष पीऊन आत्महत्या केली. ही घटना टाकळी (ता. माहूर) येथे ता. १३ ते १५ एप्रीलच्या दरम्यान घडली. या प्रकरणी मंगळवारी (ता. २१) मार्च रोजी माहूर पोलिस ठाण्यात पतीवर गुन्हा दाखल करण्यात आला आहे.
 
दातोडी (ता. आर्णी, जिल्हा यवतमाळ) येथील बंडू तुकाराम देवतळे (वय ६७) यांची मुलगी रेखा (वय ३५) हिचे लग्न माहूर तालुक्यातील टाकळी येथील अशोक धर्माजी घाळवटे (वय ४२) याच्यासोबत रितीरिवाजानुसार मागील काही वर्षापूर्वी झाले होते. लग्नांनंतर रेखा हिला काही दिवस चांगले नांदवले. मात्र तो नेहमी तिच्या चारित्र्यावर संशय घेत होता. यातूनच या दोघांमध्ये वाद भडकत असे. अशोक घाळवट हा दारुच्या सवयीचा असल्याने तो रोज सांयकाळी दारु पीऊन घरी यायचा. त्यानंतर पत्नीला शिविगाळ करुन तिला वेळप्रसंगी मारहाण करत असे. एवढेच नाही तर तु तुझ्या माहेराहून घरखर्चासाठी पैसे आण म्हणून तगादा लावत असे. 

हेही वाचा - प्रतिबंधात्मक उपाययोजनेचे सुधारीत आदेश....कसे ते वाचा

आत्महत्येस कारणीभूत व हुंडाबळी कायद्यान्वये गुन्हा दाखल 

सासरी पतीचा होणारा त्रास तीने आपल्या माहेरी सांगितला होता. माहेरच्या मंडळीनीही त्याला समज दिली. मात्र त्याच्या वागण्यात काही बदल होत नव्हता. सतत तिचा अपमान करुन शिविगाळ करत असे. या सततच्या त्रासाला कंटाळून रेखा घाळवट हिने ता. १३ एप्रील ते १५ एप्रीलच्या दरम्यान वीष पीऊन आत्महत्या केली. तीच्या मृत्यूस पती अशोक घाळवट हाच जबाबदार असल्याची तक्रार तिचे वडिल बंडू देवतळे यांनी माहूर पोलिस ठाण्यात दिली. यावरुन पोलिसांनी पती अशोक घाळवटविरुद्ध आत्महत्येस कारणीभूत व हुंडाबळी कायद्यान्वये गुन्हा दाखल करण्यात आला आहे. तपास सहाय्यक पोलिस निरीक्षक श्री. तीडके करत आहेत. 

वाळू माफियावर गुन्हा दाखल

सिंदखेड पोलिस ठाण्याच्या हद्दीत बसस्टॅन्ड परिसरात एका टीप्परमध्ये दहा हजाराची दोन ब्रास वाळू विनापरवानगी बेकायदेशिररित्या वाहतुक करताना सापडला. पोलिसांनी त्या वाळू माफियाला ताब्यात घेऊन त्याच्याकडील वाळू जप्त केली. पोलिस उपनिरीक्षक संजय चव्हाण यांच्या फिर्यादीवरुन सिंदखेड पोलिस ठाण्यात गुन्हा दाखल करण्यात आला आहे. तपास स्व: ता श्री. चव्हाण करत आहेत.