Parbhani : पती-पत्नीने गळफास घेऊन केली आत्महत्या,मुलामुळे घटना आली उघडकीस

पालम (जि.परभणी) : तालुक्यातील (Palam) पुयनी येथील पती-पत्नीने गळफास लावून जीवनयात्रा संपल्याची दुःखद घटना सोमवारी (ता.दहा) सकाळी सहा वाजण्याच्या सुमारास उघडकीस आली आहे. आत्महत्ये (Parbhani) मागील नेमके कारण समजू शकले नाही. तालुक्यातील पुयनी येथील रंगनाथ हरिभाऊ शिंदे (वय 40) आणि सुनिता रंगनाथ शिंदे (वय 35) यांच्या खोलीचे दार सोमवारी सकाळी सहा वाजेपर्यंत उघडले नव्हते. शेतातून आल्यावर त्यांचा मुलगा अंगद याने आई-वडील झोपलेल्या खोलीचा दरवाजा वाजविला. बऱ्याच वेळानंतरही खोलीतून आवाज आला नाही. म्हणून मुलाने ग्रामस्थांच्या मदतीने दार तोडून आत प्रवेश केला. तेव्हा दोघांनीही घराच्या छताला दोरीने गळफास लावून आत्महत्या केल्याचे निदर्शनास आले.(Wife-Husband Hanged Themselves In Palam Taluka Of Parbhani)

घटनेची माहिती पुयनी येथील पोलीस पाटील गेंदे यांच्यामार्फत पालम पोलिसांना देण्यात आली. पालम ठाण्याचे पोलीस निरीक्षक प्रदीप काकडे, सहायक पोलीस निरीक्षक विशाल बहत्तरे, फौजदार विनोद साने यांनी घटनास्थळी धाव घेऊन पाहणी केली. त्यांनी पंचनामा करून उत्तरीय तपासणीसाठी दोन्ही मृतदेह पालम ग्रामीण रुग्णालयात पाठवून देण्यात आले होते घटनेसंदर्भात पालम पोलीस ठाण्यात बातमी लिहीपर्यंत नोंद करण्यात आले नसल्याने घडलेली घटना नेमकी कशामुळे घडली आहे याचे अद्याप गुढ कायम आहे.