Video - स्त्रीशक्तीचा असाही जयजयकार :  कसा तो पहा

नांदेड : प्रत्येक थोर पुरुषांची जयंती, पुण्यतिथी म्हटले की फोटोंना हारतुरे घालून, त्यांच्याविषयी भाषण करणे. परंतु, नांदेडमध्ये सावित्रीबाई फुले यांच्या जयंतीनिमित्त नांदेडमध्ये महिलांसह शालेय विद्यार्थिनींनी फेरीच्या माध्यमातून ‘स्त्रीशक्ती’चा जयजयकार करून परिसर दणाणून सोडला.

सावित्रीबाई फुले यांच्या जयंतीनिमित्त नांदेड शहरात महिलांनी अभिवादन फेरी काढली होती. राज कॉर्नर येथून या फेरीला सुरुवात झाली. भाग्यनगर पोलिस ठाण्याचे अनिरुद्ध काकडे यांनी फेरी हिरवी झेंडी दाखवली. वंदना गुंजकर यांनी प्रास्ताविक केले. या फेरीमध्ये विविध क्षेत्रांतील महिलांसह शालेय विद्यार्थिनींनी वेशभूषा करून सहभाग नोंदवला. धरती नर्सिंग स्कुलच्या ५० विद्यार्थिनी गणवेशासह फेरीमध्ये सहभागी झाल्या होत्या. फेरीतील सहभागी सर्वांनी स्त्रीशक्तिचा जयजयकार केलाच; शिवाय हातातील फलकांच्या माध्यमातून समाजप्रबोधनही केले. आयटीआय चौकातील फुले दाम्पत्यांच्या पुर्णाकृती पुतळ्याजवळ फेरीचा समारोप झाला.  दरम्यान आमदार बालाजी कल्याणकर यांनी सावित्रीबाई फुले यांच्या नावाने मुलींसाठी निवासी अभ्यासिका वर्षभरात सुरु करण्याचे आश्‍वासन दिले. 

हेही वाचाच - गरज आहे महिलांना स्वातंत्र्य देण्याची

शुभांगी शिंदे, योगिनी शिंदे, संगिता गाभणे, पार्वती माटे, लता गोरे, शोभा सावंत, लता राऊत, सुरेखा शिंदे, वैशाली गुंजकर, लता बंदमवार, सरोज भोकरे, रेखा रासे, भारती देशमुख आदींसह प्रा. डॉ. लक्ष्मण शिंदे, सोनू कल्याणकर, विजय गाभणे, साहेबराव सावंत, राजेंद्र वानखेडे, प्रा. डॉ. श्रीमंत राऊत, रामचंद्र सावंत, श्रीकांत गुंजकर, कालिदास शिंदे, श्‍यामसुंदर गोरे, नारायण शिंदे यांनी फेरी यशस्वीतेसाठी पुढाकार घेतला.