कन्नड - तालुक्यातील चिंचखेडा (बुद्रुक) येथे एका तरुण शेतकऱ्याचा विजेचा शॉक लागून जागीच मृत्यू झाल्याची घटना बुधवारी (ता. १) रोजी दुपारी दिड वाजेच्या सुमारास घडली. योगेश अर्जुन काळे (२८) असे मृत व्यक्तीचे नाव आहे आहे..नातेवाईकांनी दिलेल्या माहितीनुसार, गावाच्या लगत असलेल्या गट क्रमांक ३ मधील शेतात काळे कुटुंब राहते. पाच वर्षांपूर्वी त्यांनी शेतातील घरासाठी विद्युत महामंडळाकडे कोटेशन भरून मीटर घेतले होते..घरापासून पोलचे अंतर सुमारे ५०० फूट असल्याने वारंवार पोलची मागणी केली; मात्र महामंडळाने पोल न देता, गावातील पोलवरून केबल (वायर) टाकून सध्या काम भागवा असा सल्ला दिला. त्यानुसार गेली पाच वर्षे केबलद्वारेच वीजपुरवठा सुरू होता. प्रत्येक महिन्याचे बिल ते नित्यनेमाने भरत होते..दरम्यान, गेल्या काही दिवसांत झालेल्या अतिवृष्टीमुळे वायरवर कार्बन आल्याने घरातील वीजपुरवठा खंडित झाला होता. तो सुरळीत करण्यासाठी योगेश काळे हे गावाजवळील पोलजवळ गेले असता, वायर हलविताना त्यांना जोराचा शॉक बसला. उपचारासाठी औराळा येथील प्राथमिक आरोग्य केंद्रात नेले असता डॉ. जयदीप झगरे यांनी त्यांना मृत घोषित केले..संध्याकाळी पाच वाजता शवविच्छेदन करून मृतदेह नातेवाईकांच्या ताब्यात देण्यात आला. या घटनेची नोंद कन्नड ग्रामीण पोलीस ठाण्यात अकस्मात मृत्यू म्हणून करण्यात आली असून, पुढील तपास पोलीस करत आहेत. योगेश यांच्या पश्चात आई, वडील, पत्नी, एक मुलगा, एक मुलगी व भाऊ असा परिवार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
