गेवराई - बीडच्या गेवराईतील एका तरुण शेतक-यांने विष पिऊन आत्महत्या केल्याची घटना बुधवारी घडली असून, आर्थिक विवंचनेत व मुलाच्या शैक्षणिक कर्ज प्रस्ताव बँकेने नाकारल्याने जीवन संपविल्याची माहीती कुटुंबीयानी दिली..धुराजी पांडुरंग जगताप (वय-३५) रा. मिरगाव, ता. गेवराई, जि. बीड असे आत्महत्या केलेल्या शेतक-याचे नाव आहे. सदरील शेतक-यास अवघी दोन एकर शेती आहे. या शेतीवर मिळत असलेल्या उत्पन्नावर मुलाचा शैक्षणिक खर्च अन् मुलीच्या लग्नाची चिंता सतावत असल्याने धुराजी यांनी मुलांच्या शिक्षणासाठी कर्ज मिळावे म्हणून बॅकेकडे प्रस्ताव दाखल करण्यात आला होता..मात्र, बॅक कर्ज देत नसल्याने आता मुलाचे शिक्षण होणार या विवंचनेत ते होते. बुधवारी (ता. १३) त्यांनी स्वतःच्या शेतातच कपाशीचे फवारणी करणारे किटक नाशक औषध सकाळी घेतले. याची माहीती कुटुंबियांना मिळताच शेतात धाव घेतली असताना ते मृत झाल्याचे निदर्शनास आले. मृत शेतकरी यांच्या पाश्चात्य पत्नी तीन मुली एक मुलगा असा परिवार आहे..दरम्यान,आर्थिक अडचणीत सापडल्याने शेतकरी धुराजी यांनी हे टोकाचे पाऊल उचलले असल्याचे कुटुंबाकडून सांगण्यात आले. दरम्यान, आता पर्यंत आत्महत्या केलेल्या शेतक-यास मदत मिळत नसल्याचे ऐकण्यात आल्याने पोलिस अन् शवविच्छेदनच्या भानगडीत न पडता मृत शेतक-यावर अंत्यसंस्कार केल्याची माहीती मिळाली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
