उस्मानाबाद : जातपंचायतीने ठोठावलेला दोन लाखांचा दंड वसुलीवरून सुनील काळे याचा खून केल्याची तक्रार त्याची आई तोळाबाई श्रीमंत काळे यांनी दिली आहे. त्यानुसार येरमाळा पोलिस ठाण्यात संशयितांविरुद्ध गुन्हा दाखल झाला आहे. जातपंचायतीने ठोठावलेला दोन लाखांचा दंड देत नसल्याच्या कारणावरून बालाजी विश्राम पवार, आकाश सुरेश शिंदे, संजय सुरेश शिंदे (सर्व रा. येरमाळा) यांनी २७ डिसेंबरला सुनील श्रीमंत काळे (वय ३५) याचे अपहरण करून त्यास बालाजी पवार याच्या घरात डांबून ठेवले.
दंडाची रक्कम आम्हाला द्या आणि तुमच्या मुलाला परत घेऊन जा. अन्यथा वाईट परिणाम होतील, अशी धमकी या लोकांनी मला व सुनीलच्या पतीला दिली, असे तोळाबाईंनी तक्रारीत म्हटले आहे. दरम्यान, सुनील काळेचा मृतदेह येरमाळा शिवारातील ज्ञानोद्योग विद्यालयाजवळील एका शेतातील झाडास गळफास घेतलेल्या स्थितीत बुधवारी (ता.३०) सकाळी साडेदहाच्या सुमारास आढळला. जातपंचायतीच्या दंडाच्या वसुलीपोटी तिघांनीच सुनील यास ठार मारले आहे, अशी तक्रार तोळाबाईंनी दिली आहे. त्यानुसार पोलिसांनी कलम ३०२, ३४२, ३४ अंतर्गत गुन्हा नोंदवला आहे.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
