कन्नड - शहरातील शिवनगर भागात तौफिक शेख सिद्दीक (३०) हा तरुण पतंगाच्या मांज्याने जखमी होऊन त्यांच्या चार बोटांना गंभीर दुखापत झाल्याची घटना रविवारी (ता. १४) सायंकाळी साडे सहा वाजेच्यासुमारास घडली..तौफिक हे सायंकाळी सुमारे ६.३० वाजण्याच्या सुमारास सावित्रीबाई फुले कन्या शाळेकडून जात असताना अचानक समोरून उडणाऱ्या पतंगाचा मांजा त्यांच्या मानेपर्यंत आला. मात्र, त्यांनी हाताने मांजा बाजूला करण्याचा प्रयत्न केला असता तीक्ष्ण मांज्यामुळे त्यांच्या हातावरील चार बोटांना गंभीर इजा होऊन ती कापली गेली. या घटनेनंतर परिसरात एकच खळबळ उडाली..जखमी अवस्थेत तौफिक यांना तातडीने उपचारासाठी रुग्णालयात दाखल करण्यात आले. वैद्यकीय अधिका-यांनी प्राथमिक उपचार करून त्यांना घरी पाठवले. या प्रकरणी उशिरापर्यंत कोणत्याही प्रकारची गुन्ह्याची नोंद करण्यात आलेली नव्हती. दरम्यान, नायलॉन मांज्यामुळे नागरिकांच्या सुरक्षिततेचा प्रश्न पुन्हा एकदा ऐरणीवर आला आहे..अशा प्रकारांमुळे गंभीर अपघात घडत असल्याने नागरिकांनी अधिक दक्षता घेण्याचे आवाहन करण्यात येत आहे. तसेच नायलॉन मांज्याच्या वापराविरोधात प्रशासनाने कठोर कारवाई करावी, अशी मागणी नागरिकांकडून होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
