मुंबईत गेल्या 24 तासात 1,066 नवीन रुग्णांची भर; वाचा इतर सविस्तर आकडेवारी

मुंबई : मुंबईत आज 1,066 बाधित रुग्णांची भर पडली असून कोरोना बाधित रुग्णांची संख्या 1,23,397 झाली आहे. तर आज 48 रुग्णांचा मृत्यू झाला असून मृतांचा आकडा 6,796 वर पोचला आहे. मुंबईत आज 1,232 रुग्ण बरे होऊन घरी गेले. रुग्ण बरे होण्याचा दर हा 78 टक्के इतका आहे.                                   

दिलासादायक! इतर शहरांच्या तुलनेत मुंबईत नव्या कोरोना रुग्णांचे प्रमाण कमी;  दोन महिन्यांत प्रमाण इतके घसरले

मुंबईत आज नोंद झालेल्या 48 मृत्यूंपैकी 36 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 36 पुरुष तर 12 महिलांचा समावेश होता. एकूण मृत झालेल्या 48 रुग्णांपैकी एकाचे वय 40 वर्षा खालील होते. 35 रुग्णांचे वय 60 वर्षा वर होते तर 12 रुग्ण 40 ते 60 वर्षा दरम्यान होते.                   

एसटीतील चालक महिलांच्या प्रशिक्षणाला ब्रेक; 236 महिला कर्मचाऱ्यांचे भविष्य अंधारात

कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्या ही वाढत आहे. आज 1,232 रुग्ण बरे झाले असून आज पर्यंत 96,586 रुग्णांना घरी सोडण्यात आले.मुंबईत रुग्ण दुपटीचा दर हा 86 दिवसांवर गेला आहे. तर 8 ऑगस्ट पर्यंत एकूण 5,99,791  कोविड चाचण्या करण्यात आल्या. तर  2 ऑगस्ट  ते 8 ऑगस्ट  दरम्यान कोविड रुग्णवाढीचा दर हा 0.81 इतका आहे. 

आयर्लंडमधून दिल्ली पोलिसांना आला आणि एका व्यक्तीचा जीव वाचवण्यात मुंबई पोलिसांना यश आलं; वाचा नेमकं काय झालं तर...

मुंबईत 589 इमारती आणि झोपडपट्टया कंटेन्मेंट झोन म्हणून जाहीर करण्यात आले आहेत. तर सक्रिय सीलबंद इमारतींची संख्या 5,384 असून गेल्या 24 तासात बाधित रुग्णांच्या संपर्कात असलेले 6,213 अति जोखमीचे रुग्ण आहेत तर 3,934 रुग्ण कोविड केअर सेंटर 1 मध्ये उपचार घेत आहेत.

-------------------------------------------------------

( संपादन - तुषार सोनवणे )