Crime News : पंचतारांकित हॉटेलमध्ये 12 वर्षीय मुलीचा विनयभंग | Sakal
sakal

बोलून बातमी शोधा

crime

Crime News : पंचतारांकित हॉटेलमध्ये 12 वर्षीय मुलीचा विनयभंग

मुंबई : मुंबईतील जुहू येथील एका पंचतारांकित हॉटेलमध्ये नवीन वर्षाचे सेलिब्रेशन सुरू असताना एका 12 वर्षीय मुलीचा एका व्यक्तीने विनयभंग केल्या प्रकरणी एका आरोपीला अटक केली आहे.

पोलिसांनी दिलेल्या माहितीनुसार, नवीन वर्षाच्या पूर्वसंध्येला मुलगी तिच्या पालकांसह हॉटेलमध्ये आली होती. 29 वर्षीय आरोपीही तिथे उपस्थित होता . रविवारी पहाटे 3 च्या सुमारास मुलगी आणि आरोपी डान्स फ्लोअरवर होते.

तेव्हा आरोपीने तिला अयोग्यरित्या स्पर्श केला. मुलीने याबाबत तिच्या पालकांना माहिती दिली .पालकांनी हॉटेल कर्मचाऱ्यांना या बाबत तक्रार केली. हॉटेल कर्मचाऱ्यांनी आरोपीला जाब विचारला. त्यावेळी उडवा उडवी करत आरोपीने घटनास्थळावरून पळून जाण्याचा प्रयत्न केला.

तरीही होत कर्मचाऱ्यांनी त्याला पकडून ठेवले आणि नंतर पोलिसांच्या ताब्यात देण्यात आले.तक्रारीच्या आधारे, आरोपी विरुद्ध भारतीय दंड संहिता च्या कलम 354 (महिलेवर अत्याचार किंवा गुन्हेगारी बळजबरी) आणि लैंगिक अपराधापासून मुलांचे संरक्षण कायद्याच्या संबंधित कलमांखाली गुन्हा दाखल करण्यात आला आहे.