कोरोनावर मात करून 'ते' पुन्हा ऑन ड्युटी ; धारावी पोलिस ठाण्यातील १६ पोलिस सेवेत झाले रुजू..    

मुंबई: कोरोनाची लागण झालेले धारावी पोलिस ठाण्यातील 16 पोलिस पूर्णपणे बरे होऊन सेवेत रुजू झाले आहेत. या पोलिस ठाण्यातील 32 पोलिसांना कोरोनाची बाधा झाली होती, त्यातील 31 पोलिसांनी कोरोनावर मात केली आहे.

धारावी झोपडपट्टी परिसरात अनेक चिंचोळ्या गल्ल्यांमध्ये हे पोलिस त्यांचे कर्तव्य बजावत होते. मुंबईतील सर्वाधिक कोरोनाबाधीत रुग्ण सध्या धारावी परिसरात आहेत. त्यामुळे या पोलिस ठाण्यातील 32 पोलिस कोरोना बाधीत झाले होते. त्यातील 31 जणांनी कोरोनावर मात केली आहेत. त्यात एक सहाय्यक पोलिस निरीक्षक, दोन पोलिस उपनिरीक्षक, 29 कर्मचा-यांचा समावेश आहे.

हेही वाचा: निसर्ग चक्रीवादळामुळे पालिकेचे जागते रहो! विभागीय सतर्क राहण्याचे आदेश 

 धारावी पोलिस ठाण्यातील केवळ एक पोलिस कोरोनावर उपचार घेत असून सध्या रुग्णालयात दाखल आहे. त्यांची प्रकृतीही सुधारत आहे. बाकीच्यांना रुग्णालयातून सोडण्यात आले असून काही दिवस विलगीकरणात राहण्यास सांगितले आहे.

धारावी परिसरात रुग्ण संख्या वाढत असल्यामुळे सुरूवातीच्या काळातच अनेक पोलिसांनाही त्याची लागण झाली. त्यामुळे धारावी पोलिसांनी जागृती व समुपदेशन देण्यास पोलिसांना सुरूवात केली. याशिवाय पोलिसांना धर्मास देण्यात आले असून त्याच्या सहाय्याने पोलिसांना नियमीत गरम पाणी प्यायला मिळते. 

दुर्दैवी! 'त्या' कोरोना योध्दयालाच उपचारांसाठी मिळाला नाही बेड; मुंबईच्या प्रसिद्ध डॉक्टरांचं कोरोनानं निधन...

 तसेच सर्वजण घरूनच जेवण घेऊन येतात. याशिवाय पोलिसांना प्रतिबंधात्मक गोळ्या, विटामिनच्या गोळ्या देण्यात आल्या आहेत. त्यामुळे 19 मेपासून धारावी पोलिस ठाण्यात कोणताही अधिकारी अथवा कर्मचा-याला कोरोनाची लागण झाली नाही.

16 police in dharavi back to duty after defeating corona