रेल्वेच नाही विमानांतही गर्दी; सहा दिवसांत एवढ्या लोकांनी सोडली मुंबई

मुंबई : मुंबईतील कोरोना बाधीतांची संख्या वाढत असल्याने, मुंबईत अडकलेल्यांनी आपल्या गावी, राज्यात जाण्याचा पर्याय निवडला आहे. मात्र, फक्त श्रमीकांसाठीच इतर राज्यात जाण्याची परवानगी असल्याने अनेकांची अडचण झाली होती. 25 मे रोजी देशांतर्गत विमानसेवा सुरू झाल्याने मुंबई बाहेर पडणाऱ्यांची संख्या सर्वात जास्त असल्याचे उघड झाले आहे. त्यानंतर सुमारे 22 हजार 848 जणांनी विमानाद्वारे मुंबई सोडल्याचे दिसून आले आहे.

देशभरात कोरोनाच्या पार्श्वभुमीवर 22 मार्च पासून लाॅकडाऊन करण्यात आले होते. त्यानंतर फक्त जीवनावश्यक वस्तुंची दुकानेच सुरू ठेवण्यात आले आहे. दैनंदिन मुंबईत वाढती कोरोना बाधीतांची संख्येने नागरिकांना हैराण केले आहे. त्यामध्ये हाताला काम नाही. रोजगार बंद पडला, नौकऱ्या सुटल्या त्यामूळे भाड्याच्या घराचे भाडे तरी कसे भरायचे असा प्रश्न अनेकांपुढे निर्माण झाला होता. 

मुंबईत मद्याची ऑनलाईन विक्री थांबणार? वाचा उच्च न्यायालयाने काय दिलाय निर्णय

अशा परिस्थितीत फक्त राज्यभरात अडकलेल्या मजुरांनाच त्यांच्या राज्यात पोहचवण्यासाठी श्रमीक स्पेशल ट्रेन सोडण्यात आली होती. तर इतर अडकलेल्या नागरिकांना त्यामध्ये प्रवासाची सुविधा नव्हती, त्यामूळे 25 मे पासून सुरू झालेल्या विमानसेवेचा सर्वात जास्त फायदा मुंबई बाहेर पडणाऱ्यांनी घेतला आहे. सहा दिवसात सुमारे 291 विमानांनी ये-जा केली असून, एकूण 30 हजार 371 प्रवाशांनी त्यामध्ये प्रवास केला आहे. मात्र यामध्ये मुंबई सोडणाऱ्यांची संख्या सर्वात जास्त असून, मुंबईत येणाऱ्यांची संख्या फक्त 7523 येवढीत आहे. 

सहा दिवसांची आकडेवारी
एकूण प्रवासी - 30371
मुंबईबाहेर गेलेले - 22848
मुंबईत आलेले - 7523
एकूण विमाने - 291 
रद्द विमाने - 3

धक्कादायक...स्मशानभूमी कामगार संसर्गामुळे हादरले; सुरक्षा रक्षक आणि मृत्यू नोंदणी करणाऱ्यांमध्ये दहशत