संतापजनक! सत्तरीच्या वृद्धाने केला १० वर्षांच्या चिमुरडीचा विनयभंग

मुंबईतील आग्रीपाडा पोलिसांनी 10 वर्षांच्या मुलीचा विनयभंग केल्याप्रकरणी एका 70 वर्षीय वृद्धाला अटक केली आहे. आग्रीपाडा पोलीस ठाण्याच्या वरिष्ठ अधिकाऱ्याकडून मिळालेल्या माहितीनुसार, शुक्रवारी संध्याकाळी मुलीने संपूर्ण प्रकार कुटुंबीयांना सांगितल्यावर हा प्रकार उघडकीस आला.

पोलिसांनी सांगितले की, आरोपी आणि पीडित तरुणी एकाच परिसरात राहतात, आरोपी मुलीला आपल्या घरी बोलवत असे आणि चॉकलेट आणि बिस्किटांचे आमिष दाखवून मुलीला अयोग्यरित्या स्पर्श करत असे. शुक्रवारी पीडित मुलगी मानसिक तणावात दिसली. त्यावेळी घरच्यांनी तिला विश्वासात घेत विचारपूस केली असता तिने हा सर्व प्रकार सांगितला

त्यानंतर मुलीच्या घरच्यांनी जवळचे पोलीस ठाणे गाठून आरोपीविरुद्ध गुन्हा दाखल केला. पोलिसांनी आरोपीला शनिवारी अटक करून न्यायालयात हजर केले असता न्यायालयाने आरोपीला पोलीस कोठडी सुनावली.