Mumbai Fire : कुर्ल्यातील शिवाजी मंडईला आग; 25 दुकाने जाळून खाक

कुर्ला पश्चिम येथील शिवाजी मंडईला रात्री उशिरा भीषण आग लागली. या आगीत मंडईतील सुमारे २५ गाळे जळून खाक झाल्याची प्राथमिक माहिती मिळाली आहे. रात्री उशिरा पर्यंत आग विझवण्याचे प्रयत्न सुरू होते.

सीएसएमटी रोड वरील डीलक्स हॉटेल जवळ ही शिवाजी मंडई आहे. या मंडईतील गाळ्यांना सुमारे १०:१९ वाजण्याच्या सुमारास आग लागली. ही आग लेव्हल २ ची असल्याची माहिती अग्निशमन दलाकडून देण्यात आली.

आगीची महिती मिळताच मुंबई अग्निशमन दलासह १०८ रुग्णवाहिका,अदानी,पोलीस आणि पालिकेच्या विभाग कार्यालयातील कर्मचारी-अधिकारी घटनास्थळी दाखल झाले. त्यांच्याकडून रात्री उशिरापर्यंत आगीवर नियंत्रण मिळवण्याचे प्रयत्न सुरू होते. आगीत सर्व दुकाने व त्यातील सर्व सामान जळून खाक झाले. आगीत कुणी जखमी किंवा मृत झाल्याचे वृत्त नाही. आगीचे नेमके कारण कातर समजू शकलेले नाही.