राज्यपालांच्या वाहनांच्या ताफ्याला अपघात 

ठाणे : ठाण्यात रविवारी एका खाजगी कार्यक्रमानिमित्त उपस्थित राहण्यासाठी येत असताना राज्यपाल भगतसिंह कोश्‍यारी यांच्या ताफ्यातील पोलिसांची वाहने एकमेकांवर धडकुन अपघात घडला.

हेही वाचा - भिवंडीतील निर्भयाला मिळाला न्याय

राज्यपाल पुढील वाहनातुन सुखरूप कार्यक्रमस्थळी रवाना झाले असले तरी, या दुर्घटनेत ठाण्याच्या अप्पर जिल्हाधिकारी वैदेही रानडे सुदैवाने बचावल्या. ही दुर्घटना रविवारी (ता.19) सायंकाळी कासारवडवली नजीक घडली.

हेही वाचा - खोली साहेबांची, मुक्काम पीएचा

या अपघातात सुदैवाने कुणीही जखमी झाले नसले तरी, अप्पर जिल्हाधिकारीच्या गाडीसह तीन शासकिय वाहनांचे नुकसान झाले. दरम्यान, राज्यपालांच्या ताफ्यातील पोलिसांची डिव्ही कार (इनोव्हा) वरील चालकाचे नियंत्रण सुटुन हा अपघात घडल्याची माहिती सूत्रांनी दिली. 

web title : Accident of governors vehicles