मुंबई-पुणे द्रुतगती मार्गावर अपघात; चौघांचा जागीच मृत्यू

मुंबई : मुंबई-पुणे द्रुतगती मार्गावर शनिवारी दुपारी भीषण अपघातात चार जणांचा मृत्यू झाला. भरधाव कारने ट्रकला मागून जोरदार धडक दिल्याने हा अपघात झाला असून अपघातात कारमधील चारही प्रवाशांचा घटनास्थळीच मृत्यू झाला. तसेच काहीजण जखमी झाल्याची प्राथमिक माहिती आहे. (Accident on Mumbai-Pune Expressway)

शनिवारी दुपारी द्रुतगती मार्गावरील गहुंजे येथे पुण्याकडून मुंबईकडे जाणाऱ्या कार- ट्रकचा भीषण अपघात झाला. कारने ट्रकला पाठीमागून धडक दिली. अपघाताची माहिती मिळताच नागरिकांनी घटनास्थळी गर्दी केली होती. घटनास्थळी उपस्थित असलेल्या अन्य प्रवाशांनीच पोलिसांना अपघाताची माहिती दिली. माहिती मिळताच हायवे पोलिस घटनास्थळी दाखल झाले. नागरिकांच्या मदतीने मृतदेहांना कारमधून काढण्याचे प्रयत्न सुरू होते.