Crime News : विविध गुन्ह्यांमध्ये फरार पाहिजे आरोपी साकीनाका पोलिसांकडून अटकेत...

मुंबई : शस्त्रास्त्रे बाळगणे, लुटमार चोरी अशा विविध गुन्ह्यांमध्ये फरार पाहिजे आरोपीला साकीनाका पोलिसानी बेड्या ठोकल्या आहेत. अटक आरोपीचे नाव गौरंग आनंद चौधरी उर्फ सॅण्डी असून तो दिवा ठाणे येथील रहिवासी आहे.

17 जानेवारी रोजी साकीनाका पोलीस ठाण्यात दुचाकी चोरीचा गुन्हा नोंद करण्यात आला होता. या प्रकरणी साकीनाका पोलिसांनी तपास सुरू केला. पोलीस पथकाने साकीनाका व पवई परिसरातील सिसिटीव्ही कॅमेरे तपासुन आरोपीची ओळख निश्चीत केली .

सदर आरोपीचा पोलिसांनी माग काढून, आरोपीस 18 जानेवारीला दिवा ठाणे येथून ताब्यात घेण्यात आले होते. आरोपींला न्यायालयाने पोलीस कोठडी मंजुरी केली. पोलिसांनी अधिक तपास करुन 19 जानेवारी रोजी 4 दुचाकी जप्त करण्यात आल्या आहेत. सदर जात दुचाकी हया आरोपीने साकीनाका, मुंलुंड, भांडुप, कळवा ठाणे परिसरातुन चोरी केल्या आहेत. तपासात चार गुन्ह्याची उकल करण्यात पोलीसांना यश मिळाले आहे.

आरोपी विरोधात शस्त्रास्त्रे बाळगणे , जबरीने लुटणे, मारामारी करणे, वाहन चोरी करणे अशा प्रकारच्या विविध गुन्हयाची नोंद असुन तो ठाणे तुरुंगातून जुलै 2022 मध्ये जामिनावर मुक्त झाला.तेव्हापासून आरोपी फरार झाला होता. जामिनावर तुरुंगाबाहेर असताना सुध्दा आरोपी गुन्हेगारी कारवाया करण्यात सहभागी होता.