अंबरनाथ : लग्नासाठी पैसे जमविण्यासाठी दानपेट्या फोडणाऱ्या दोघांना अटक |Ambarnath robbery update | Sakal
sakal

बोलून बातमी शोधा

Robbery crime

अंबरनाथ : लग्नासाठी पैसे जमविण्यासाठी दानपेट्या फोडणाऱ्या दोघांना अटक

अंबरनाथ : मंदिरातील दानपेट्यांसह शिवगंगानगर परिसरातील सहा घरफोड्या (Robbery crime) करणाऱ्या एका अट्टल चोरासह (two culprit arrested) त्याच्या अल्पवयीन साथीदाराला अंबरनाथ पोलिसांनी (Ambarnath Police) ताब्यात घेतले. या दोघांकडून दागिने, दोन दुचाकीसह सुमारे पावणेतीन लाखांचा मुद्देमाल जप्त केला. या अट्टल गुन्हेगारांविरोधात पुणे आयुक्तालय, तसेच हिललाईन पोलिस ठाण्यामध्ये (hilline police station) अनेक गुन्हे दाखल झाले आहेत. लग्नासाठी पैसे जमविण्यासाठी घरफोड्या करत असल्याचे त्याने पोलिसांना सांगितले.

हेही वाचा: डोंबिवलीत भाजपच्या कार्यकर्त्यांचा जल्लोष; गुलालाची उधळण करत फटाक्यांची आतषबाजी

शहरातील दोन मंदिरांमध्ये दानपेटीची चोरी झाली होती. मात्र या घटनांचे सीसी टीव्ही फुटेज नसतानाही पोलिसांनी अंबरनाथमध्ये मामाकडे राहणारा तन्वर सिंग टाक या संशयित गुन्हेगाराला ताब्यात घेतले होते. त्याने शिवगंगानगर परिसरात एकाच रात्रीत सहा घरफोड्या केल्याचे सांगितले. पोलिसांनी खाक्या दाखवताच दोन मंदिरातील दानपेट्यांच्या चोरीबाबतही कबुली दिली. आरोपीवर पुणे आयुक्तालयात एकूण २८ गुन्हे दाखल आहेत.

डिसेंबर २०२० मध्ये हिललाईन पोलिस ठाणे हद्दीत आरोपीवर एटीएम मशीन फोडल्याचाही गुन्हा दाखल आहे. पोलिसांनी टाक याच्याकडून सोन्या-चांदीचे दागिने, चोरीसाठी वापरण्यात आलेली हत्यारे, दानपेटीतील रक्कम आणि दोन दुचाकी असा दोन लाख ७२ हजारांचा मुद्देमाल जप्त केला आहे. या प्रकरणी अंबरनाथ पोलिसांत गुन्हा दाखल करत आरोपीला अटक करण्यात आली आहे.

अल्पवयीनची बालसुधारगृहात रवानगी

पुण्याहून आलेल्या टाक यांच्या अल्पवयीन साथीदारालाही पोलिसांनी ताब्यात घेत त्याची रवानगी भिवंडी बालसुधारगृहात केली आहे; तर टाक याला उल्हासनगर सत्र न्यायालयाने ११ मार्चपर्यंत पोलिस कोठडी सुनावली.

Web Title: Ambarnath Police Arrested Two Culprits In Robbery Crime Ambarnath Crime Update

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :robberyambarnath
go to top