Shah-Shinde Meet : अमित शहांनी घेतली CM शिंदेंची भेट; काय झाली खलबतं?

Shah-Shinde Meet : अमित शहांनी घेतली CM शिंदेंची भेट; काय झाली खलबतं?

मुंबई महापालिका निवडणुकीच्या रणनीतीबाबत चर्चेची शक्यता

मुंबई : केंद्रीय गृहमंत्री अमित शहा सध्या दोन दिवसीय मुंबई दौऱ्यावर आहेत. आजच्या पहिल्याच दिवशी त्यांनी मुख्यमंत्री एकनाथ शिंदे यांची त्यांच्या निवासस्थानी जाऊन भेट घेतली. यावेळी त्यांच्यासोबत उपमुख्यमंत्री देवेंद्र फडणवीस हे देखील उपस्थित होते. (Amit Shah met Maharashtra CM Eknath Shinde in Mumbai due to BMC Election)

अमित शहा यांच्या मुंबई दौऱ्याला विशेष महत्व आहे कारण येत्या काळात मुंबई महापालिकेच्या निवडणुका आहेत. या निवडणुकीच्या रणनितीबाबत यावेळी चर्चा होणं अपेक्षित आहे. त्याप्रमाणं शहांनी भाजपच्या पदाधिकाऱ्यांची बैठक घेतली. या बैठकीत त्यांनी मुंबईवर फक्त भाजपचं वर्चस्व राहिलं पाहिजे असे निर्देश दिले.

Shah-Shinde Meet : अमित शहांनी घेतली CM शिंदेंची भेट; काय झाली खलबतं?
Amit Shah : मुंबईवर फक्त भाजपचंच वर्चस्व राहिले पाहिजे; शाहांनी दंड थोपटले

दरम्यान, शिवसेनेच्या एकनाथ शिंदे गटासोबत भाजप सध्या सत्तेत आहे. यापार्श्वभूमीवर उद्धव ठाकरे यांच्यावरही अमित शहा यांनी हल्लाबोल केला. शिवसेनेने आमच्या पाठित खंजीर खुपसला असा आरोप करत त्यांना आता जागा दाखवण्याची वेळ आली आहे असंही त्यांनी पदाधिकाऱ्यांशी बोलताना सांगितलं. त्याचबरोबर मुंबई महापालिकेत भाजप आणि शिवसेनेच्या शिंदे गटाच्या युतीचं मिळून 150 नगरसेवक निवडून आणण्याचं टार्गेट देण्यात आल्याचं म्हटलं आहे.

Shah-Shinde Meet : अमित शहांनी घेतली CM शिंदेंची भेट; काय झाली खलबतं?
गणेशाच्या आशीर्वादानेच लव्ह जिहादचा अंत होईल विहिंपचे साकडे

मुंबई काबीज करण्यासाठी भाजपला शिवसेनेच्या शिंदे गटाची साथ मिळणार असल्यानंच याबाबत रणनीती ठरवण्यासाठी अमित शहा यांनी एकनाथ शिंदे यांची भेट घेतली आहे. पण या भेटीचा नेमका आणि सविस्तर तपशील अद्याप समोर आलेला नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com