विरार - मागील तीन वर्षापासून मुंबई अहमदाबाद महामार्ग हा मृत्यूचा सापळा बनला आहे. चांगले रस्ते उखडून येथे सिमेंटचे रस्ते बनविण्याचे काम मागील दोन ते तीन वर्षापासून सुरू आहे. मात्र हे काम नागरिकांचा बळी घेण्यास कारणीभूत ठरत आहे..मागील तीन ते चार वर्षापासून या महामार्गावर वाहतूक कोंडीमुळे, खड्ड्यांमुळे अनेकांचे जीव गेले आहेत. अनेक वाहन चालकांचे अपघाती निधन झाले आहेत व कायमचे जायबंदी झाले आहेत. शनिवार दिनांक 2/8/2025 रोजी सकाळच्या सुमारास सफाळे, मधुकर नगर येथे राहणाऱ्या छाया कौशिक पुरव यांच्या अंगावर झाड पडून त्या गंभीर जखमी झाल्या..त्यांना तातडीच्या उपचारासाठी मुंबई हिंदुजा हॉस्पिटलमध्ये नेण्यात येत होते. परंतु मुंबई अहमदाबाद महामार्ग वर मुंबईकडे जाणाऱ्या दिशेवर सकाळपासून वाहतूक कोंडी झाल्याने प्रचंड उशीर झाला. वाहन तीन ते चार तास एकाच जागेवर उभी राहिल्याने मुंबईकडे जायला खूप उशीर होत होता..परिणामी छाया पुरव यांची प्रकृती गंभीर झाली. त्यांना मिरा रोड येथील आर्बिट हॉस्पिटल मध्ये दाखल करण्यात आले. परंतु तोपर्यंत खूप उशीर झाला होता. डॉक्टरांनी त्यांच्यावर उपचार सुरू करण्यापूर्वीच त्यांचा मृत्यू झाला होता.ही घटना अत्यंत हृदय द्रावक आहे. छाया पुरव यांच्या मृत्यूला जबाबदार कोण? राष्ट्रीय महामार्ग प्रशासन, वाहतूक विभाग, ठेकेदार, की महामार्गाच्या बाजूला अवजड वाहनांनी केलेले खड्डे. याबाबत जबाबदारी निश्चित केली पाहिजे. महामार्गावर वारंवार होणाऱ्या वाहतूक कोंडीमुळे सर्वसामान्य नागरिक, वाहन चालक यांना अतोनात याताना सहन कराव्या लागत आहेत..याबाबत जिल्हास्तरावर अनेक उपाययोजना करण्यासाठी पालकमंत्री यांनी बैठक देखील आयोजित केली होती. मात्र तरीही अद्याप महामार्गावरील वाहतूक कोंडी ची समस्या दूर होताना दिसत नाही. केंद्र सरकार, राज्य सरकार व स्थानिक लोकप्रतिनिधी यांनी या वाहतूक कोंडी प्रकरणी युद्ध पातळीवर लक्ष घालून महामार्गावर वारंवार होणारी वाहतूक कोंडीची समस्या तात्काळ दूर करावी अशी मागणी नागरिकांकडून करण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
