अर्णब गोस्वामी पुन्हा गैरहजर! "कारणे दाखवा'साठी पोलिसांत येणे टाळले

अर्णब गोस्वामी पुन्हा गैरहजर! "कारणे दाखवा'साठी पोलिसांत येणे टाळले

 
मुंबई ः "रिपब्लिक' टीव्हीचे संपादक अर्णब गोस्वामी यांच्याविरोधात चॅप्टर केसच्या प्रक्रियेला मुंबई पोलिसांनी सुरुवात केली आहे. त्याअंतर्गत "कारणे दाखवा' नोटीस बजावून आज हजर राहण्यास सांगितले होते; पण गोस्वामी यांनी सलग दुसऱ्यांना या प्रक्रियेला येणे टाळले. दरम्यान, बदनामीकारक बातमी प्रसिद्ध केल्याप्रकरणी "रिपब्लिक'चे वार्ताहर व अँकरविरोधात दाखल गुन्ह्याप्रकरणी त्यांनी ना. म. जोशी मार्ग पोलिस ठाण्याला आज सकाळी भेट दिली. 

ऊर्जामंत्री नितीन राऊत यांनी केलेल्या तक्रारीच्या आधारे ना. म. जोशी मार्ग पोलिसांनी जातीय तेढ निर्माण केल्याप्रकरणी गुन्हा दाखल केला होता. याशिवाय रझा अकादमीचे सचिव इरफान शेख यांच्या तक्रारीवरून पायधुनी पोलिसांनी अर्णब गोस्वामीविरोधात गुन्हा दाखल केला होता. गोस्वामी यांच्याविरोधात प्रतिबंधात्मक कारवाई म्हणून बंधपत्र का घेऊ नये, यासाठी गोस्वामी यांना कारणे दाखवा नोटीस बजावली आहे. त्यासाठी 16 ऑक्‍टोबरला दुपारी 4 वाजता उपस्थित राहण्यास सांगितले होते; पण गोस्वामी यांनी या नोटिसीला उत्तर दिले व या प्रक्रियेला गैरहजेरी दर्शवली. त्यनंतर गोस्वामी यांना पुन्हा आज बोलवले होते. त्याला गोस्वामी यांच्या वकिलांनी गोस्वामी येऊ शकत नसल्याचे सांगितले. त्यानुसार पुढील सुनावणी 7 नोव्हेंबरला होणार आहे. 

दरम्यान, उपसंपादक शावन सेन व कार्यकारी संपादक निरंजन नारायणस्वामी यांचे मनोबल वाढवण्यासाठी गोस्वामी यांनी ना. म. जोशी मार्ग पोलिस ठाण्यात त्यांच्यासोबत गेले. पोलिस खाते व पोलिस आयुक्त परमबीर सिंग यांची बदनामी केल्याप्रकरणी त्यांच्यावर नुकताच ना. म. जोशी मार्ग पोलिस ठाण्यात गुन्हा दाखल केला होता.  

 
-----------------------------------------------------

( संपादन - तुषार सोनवणे )

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com