Crime News : एटीएम व्हॅनमधील रोकड लुटून चालकाचे पलायन

कांदिवली पूर्व परिसरात एटीएममध्ये भरण्यासाठी आणलेली रोख रक्कम घेऊन चालकाने पलायन केल्याची घटना उघडकीस आली.
Crime
Crimesakal

मुंबई - कांदिवली पूर्व परिसरात एटीएममध्ये भरण्यासाठी आणलेली रोख रक्कम घेऊन चालकाने पलायन केल्याची घटना उघडकीस आली आहे. आरोपी चालकाने 22 लाख 43 हजार रुपयांची रोकड पळवली असून याप्रकरणी समता नगर पोलीस अधिक तपास करीत आहेत. आरोपी चालक सागर सोनवणे याचा तपास समता नगर पोलीस करत आहेत.

या प्रकरणी तक्रारदार राजाराम घाडीगावकर एका खासगी कंपनीत कार्यारत आहेत. त्यांची कंपनी विविध बँकांकडून रोख रक्कम घेऊन ती विविध बँकांच्या एटीएम यंत्रांमध्ये पोहोचवण्याचे काम करते. राजाराम घाडीगावकर नेहमीप्रमाणे 15 जुलै रोजी साडेतीन कोटी रुपयांची रोकड घेऊन बँकेतून निघाले होते.

यावेळी त्यांच्यासोबत चालकासह दोन सहकारी होते. इतर एटीएम यंत्रांमध्ये रक्कम भरल्यानंतर कांदिवली येथील ठाकूर संकुलातील एटीएम यंत्रामधून त्यांनी 22 लाख 43 हजार रुपये घेतले. त्यानंतर ते गाडी घेऊन आकुर्ली रोड येथे पैसे भरण्यासाठी गेले होते. त्यावेळी आरोपी चालकही व्हॅनमध्येच होता. राजाराम घाडीगावकर परत आले असता चालक तेथे नव्हता. तसेच व्हॅनमधील रोखही नव्हती. त्यांनी चालकाचा शोध घेतला. त्यावेळी तो कुठेच सापडला नाही.

घाडीगावकर यांनी चालकाला दूरध्वनी करण्याचा प्रयत्न केला. पण त्याचा मोबाईल बंद होता. अखेर याप्रकरणी त्यांनी समतानगर पोलीस ठाण्यात तक्रार केली. त्यानुसार पोलिसांनी चालक सागर सोनावणेविरोधात गुन्हा दाखल केला. सीसीटीव्ही कॅमेऱ्यातील चित्रणाच्या मदतीने पोलीस याप्रकरणी तपास करीत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com