BDD चाळवासियांना ८०० चौरस फुटाचे घर द्या, अन्यथा कोर्टात - गुणरत्ने सदावर्ते

मुंबई : बीबीडी चाळ पुनर्विकास प्रकल्पात (BDD redevelopment project) 500 हुन अधिक चौरस फुटाचे घर देण्याची (home) मागणी विविध संघटनांकडून होत असतानाच यामध्ये आता वकील गुणरत्ने सदावर्ते (Gunratna Sadavarte) यांनीही उडी घेतली आहे. बीबीडी चाळवासियांना 800 चौरस फुटाचे (800 square foot home) घर देणे शक्य असून त्याचा फॉर्मुला (formula) आपल्याकडे तयार असल्याचे त्यांनी म्हंटले आहे. जर सरकारने (government) हा निर्णय न घेतल्यास न्यायालयात (court) जाऊ असा इशाराही त्यांनी दिला आहे. (BDD redevelopment project-Gunratna Sadavarte-home-formula-government-court-nss91)

वरळी बीडीडी चाळ पुनर्वसन प्रकल्पाच्या बांधकामाचा शुभारंभ रविवारी (ता.2) पार पडला. त्यानुसार वरळी येथे दोन इमारती उभारण्याचे कामही सुरु झाले आहे. सरकारकडून रहिवाशांना 500 चुरस फुटाचे घर देण्यात येणार आहे. मात्र या निर्णयाला बीडीडी चाळीतील विविध संघटनांचा विरोध असून अधिक चौरस फुटाचे घर देण्याची मागणी होत आहे. यातच आता ऍड गुणरत्ने सदावर्ते यांनी याविरोधात आघाडी घेतली आहे. बीबीडी चाळवासियांना 800 चौरस फुटाचे घर द्यावे अशी रहिवाशी मागणी करत आहेत.

बीडीडी चाळीतील रहिवाशांनी माझी भेट घेतली आहे. यामध्ये विकासकांचा फायदा करण्याचा दिसत असल्याने हे वेदनादायी आणि अन्यायी असल्याने सरकारने रहिवाशांना न्याय द्यावा, अशी मागणी त्यांनी केली आहे. या मागणीबाबत गृहनिर्माण मंत्री जितेंद्र आव्हाड आणि पर्यावरण मंत्री आदित्य ठाकरे यांना मी आवाहन करत असल्याचे त्यांनी म्हंटले आहे. सरकारने या मागणीची दाखल न घेतल्यास न्यायालयात जाऊ असा इशाराही त्यांनी दिला आहे.