BEST ठप्प; बसचालकांच्या संपामुळे नागरिकांचे हाल

वडाळा, कुर्ला, वांद्रे या बेस्ट बसडेपोमधले कंत्राटी बसचालक संपावर गेले आहेत. कंत्राटदार कंपनीने वेतन वेळेवर न दिल्याने हे चालक संपावर गेले आहेत. टाटा रुग्णालय, केईएम रुग्णालय या दिशेला जाणाऱ्या बसेस सध्या बंद आहेत. त्यामुळे रुग्णांचेही हाल होत आहेत.

इतर चालकांच्या मदतीने सध्या ही बससेवा सुरळीत करण्याचे प्रयत्न सुरू आहेत. बेस्टचं कंत्राट घेतलेल्या कंपनीने कंत्राटी बसचालकांना वेतन वेळेवर न दिल्याने या कर्मचाऱ्यांनी संपाचं हत्यार उपसलं आहे.