Shahapur Rain : शहापुरात रात्रभर मुसळधार; अनेक गावांचा संपर्क तुटला, गाड्या गेल्या वाहून, वाहतूकही ठप्प

शहापूर-किन्हवली रस्त्यावर पाण्याचे ओहोळ निर्माण झाल्याने वाहतूक ठप्प झाली.
Shahapur Rain
Shahapur Rainesakal
Summary

नदीच्या पात्रजवळील सर्व इमारतीत पाणी शिरले, तर ठिकठिकाणी रस्त्यावर पाणी साचल्याने वाहतूक बंद झाली.

खर्डी : रात्रभर पडत असलेल्या मुसळधार पावसामुळे शहापूर तालुक्यातील भारंगी नदीला (Bharangi River) पूर आल्याने जवळच असलेल्या इमारतीच्या खाली पार्किंग केलेल्या गाड्या वाहून गेल्या. गुजराती बागेत पहिल्या मजल्यापर्यंत पाणी आलं, खर्डीच्या बागेचा पाडामधील मे महिन्यात बनवलेला पूल वाहून गेला, आसनगाव स्थानकानजीक पाणी साचल्याने वाहतूक पूर्णपणे बंद झाली.

शहापूर-किन्हवली रस्त्यावर पाण्याचे ओहोळ निर्माण झाल्याने वाहतूक ठप्प झाली. यासोबतच ठिकठिकाणी पाणी साचल्याने प्रशासनाच्या नियोजनशून्य कारभारामुळे पाणी साचल्याचा आरोप स्थानिक रहिवाशांनी केला. आटगाव-आसनगाव स्थानकादरम्यान झाड आडवे पडल्याने रेल्वे वाहतूक ठप्प झाली आहे. शहापूर नगरपंचायत हद्दीत भारंगी नदीचे सुशोभीकरण करताना कोणतेही नियोजन न केल्याने शहापूर जलमय झाले आहे.

Shahapur Rain
Nana Patole : विधानसभा निवडणुकीबाबत नाना पटोलेंची मोठी घोषणा; म्हणाले, 'मविआ'च्या नावावर आम्ही..

नदीच्या पात्रजवळील सर्व इमारतीत पाणी शिरले, तर ठिकठिकाणी रस्त्यावर पाणी साचल्याने वाहतूक बंद झाली. रहिवाशांना, कर्मचाऱ्यांना कामावर जाण्यासाठी अडचण निर्माण झाली आहे. खर्डी येथील बागेचा पाडा येथील मे/जून महिन्यात बांधण्यात आलेला पूल वाहून गेल्याने येथील रहिवाशांचा संपर्क तुटला असल्याचे सुरेश घावट यांनी सांगितले. वासिंद रेल्वे स्थानकाजवळ पोल सरकल्याने रेल्वे वाहतूक 1 तासापासून ठप्प झाल्यामुळे प्रवासी हैराण झाले आहेत.

Shahapur Rain
Shahapur Rainesakal

आसनगाव-माहुली रस्त्यावर गेल्या 3 महिन्यांपूर्वी झालेला पूल वाहून गेल्याने येथील संपर्क तुटला. भारंगी नदीपात्रात केलेल्या अनधिकृत बांधकामामुळे शहापुरात सर्वत्र पाणीच पाणी साचून रहिवाशांचे नुकसान झाले आहे. याला जबाबदार असणाऱ्या ठेकेदार व दुर्लक्ष करणाऱ्या शासकीय अधिकाऱ्यांवर कारवाई करून नुकसान झालेल्या कुटुंबांना तात्काळ नुकसानभरपाई देण्यात यावी, अशी मागणी समाजसेवक संतोष शिंदे, भानुदास भोईर व अविनाश थोरात यांनी केली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com