अरे वाह! कोरोनासंदर्भात भिवंडीतून समोर आली आनंदाची बातमी, नक्की वाचा

मुंबईः मुंबई महानगरमध्ये कोविड -१९ प्रकरणांची संख्या वाढत असताना दुसरीकडे भिवंडीमध्ये लक्षणीय सुधारणा होत असल्याचं चित्र पाहायला मिळत आहे. भिवंडी निजामपूर शहर महानगरपालिका (बीएनसीएमसी) नं यासंदर्भातली आकडेवारी शेअर केली आहे. पालिकेच्या अधिकाऱ्यानं दिलेल्या माहितीनुसार, BNCMCचा पुनर्प्राप्ती दर जवळपास ९० टक्के आहे आणि आतापर्यंत ३ हजार ३११ रुग्ण बरे झाले असून त्यांना घरी सोडण्यात आलं आहे. त्यापैकी सोमवारी पाच रुग्णांना डिस्चार्ज देण्यात आला. शहरात सध्या विविध सुविधांमध्ये कोरोना व्हायरसचे १२९ रुग्ण आहेत.

शहरातील डबलिंग रेटही आता १३० दिवस झाला असल्याचं बीएनसीएमसीचे जनसंपर्क अधिकारी मिलिंद पळसुळे यांनी सांगितलं. मुंबई पालिकेच्या ताज्या आकडेवारीनुसार, मुंबईत कोरोना व्हायरस रूग्णांचा सध्याचा डबलिंग रेट ८७  दिवस आहे आणि पुनर्प्राप्तीचा दर ७८ टक्के आहे. पालिका वरलादेवी तलाव आणि परशुराम तावरे स्टेडियममध्ये एकूण २६० बेड असलेली दोन केंद्रे उघडत असल्याची माहिती पळसुळे यांनी दिली.

हेही वाचाः  निर्दयी आई!, बाळंतीण होताच स्वयंपाकघरातून फेकलं नवजात बालकाला

पालिकेनं दररोज घेण्यात येणाऱ्या चाचण्यांची संख्या ३०० पर्यंत वाढविली आहे, जे प्रतिजैविक चाचण्या उलट ट्रान्सक्रिप्शन-पॉलिमरेज चेन रिएक्शन टेस्टला पूरक आहेत. जूनमध्ये ही संख्या ५० होती. या भागातील दवाखानेही उघडण्यात आलेत, असंही त्यांनी सांगितलं. 

जूनमध्ये, शहरातील परिस्थिती भयानक होती, त्यावेळी पालिका व्हायरसच्या प्रसारावर नियंत्रण ठेवू शकत नव्हती. २८ जूनला बीएनसीएमसी पालिका १०० खाटांच्या इंदिरा गांधी मेमोरियल हॉस्पिटलमध्ये रूग्णांना दाखल करण्यासाठी प्रयत्न करत होती. ज्यामुळे अनेक समस्या उद्भवल्या. त्यानंतर पालिकेनं बेडची संख्या वाढवून २,०३०च्या वर केली आहे. यामध्ये टाटा अमंत्र, रायस स्कूल आणि ओसवाल वाडी हॉलच्या मालकीच्या सुविधा असलेल्या सहा वेगळ्या केंद्रांमध्ये १,०८८ बेडचा समावेश आहे.

अधिक वाचाः  काय सांगता! तब्बल १४ वर्षांनी हरवलेलं पाकिट सापडलं, वाचा सविस्तर बातमी

त्याचप्रमाणे ११ समर्पित कोविड हेल्थ केअर सेंटरमध्ये सध्या अटलांटिस हॉस्पिटल, वरहलदेवी हॉस्पिटल आणि काशिनाथ हॉस्पिटलसह ३८६ बेड्स आहेत. सरकारी इंदिरा गांधी मेमोरियल हॉस्पिटलसह शहरात पाच डीसीएचसी आहेत.

Bhiwandi Nizampur City Municipal Corporation doubling rate increases 130 days