Mumbai Airport : मुंबई विमानतळावर मोठी त्रुटी, एका विमानाचं उड्डाण होत असताना दुसऱ्या विमानाचं झालं लँडिंग

Mumbai Airport News : मुंबई विमानतळावर सुरक्षेत मोठी त्रुटी झाली असून एकाच धावपट्टीवर दोन विमानं आल्याने आल्याने मोठी दुर्घटना झाली असती. सुदैवाने हा अपघात टळला आहे. या घटनेचा व्हिडीओ बाहेर आला आहे.

एअर इंडियाचं विमान धावपट्टीवर असतानाच इंडिगो विमानाला उतरण्याची परवानगी दिल्याचा धक्कादायक प्रकार मुंबई विमानतळावर घडला होता. एअर इंडियाच विमान हवेत झेपावत असतानाच इंडिगो विमानाचं लँडिंग होत होतं.

दोन्ही विमानं एकमेकांच्या जवळ आल्याने मोठी दुर्घटना टळली. शनिवारी रन वे २७ वर घडलेल्या प्रकाराची DGCA ने केली चौकशी सुरू केली आहे. या प्रकरणाशी संबंधित असलेल्या हवाई वाहतूक नियंत्रण कक्षातील (ATC) संबंधित कर्मचाऱ्यांना काम करण्यापासून रोखण्यात आलेलं आहे.