मुंबई : पालिकेत 'बंधूराज'; 21 कंपन्यांचे मालक भाऊ-भाऊ

मुंबई : महानगरपालिकेतील (BMC) कंत्राटदारांच्या सिंडीकेटची (contractor syndicate) नेहमीच चर्चा असतो. मात्र,पहिल्यांदाच शिवसेनेने (shivsena) या सिंडीकेटवर बोट ठेवले आहे. महानगरपालिकेत नोंद असलेल्या तब्बल 21 कंपन्यांची प्रत्यक्ष अप्रत्यक्ष मालकी (company owners) दोन भावांची (two brothers) आहे. पालिकेचे कोट्यावधीचे भंगार (Debris) ,जुन्या इमारतींचे पाडकामापासून अगदी वाहानतळांच्या कंत्राटातही (parking contract) याच बंधूचे राज चालते.

अग्निशमन दलाच्या 100 हून अधिक हलकी,अवजड वाहानांची दोन वर्षांपूर्वी विक्री झाली होती. या विक्रीतून पालिकेला 2 कोटी 14 रुपयांचे उत्पन्न मिळाले.मात्र,हा घोटाळा फक्त कमी किंमतीत भंगार विकले म्हणून मर्यादित नव्हते. मात्र,यात दोन भावांचे मोठे सिंडीकेट होते.भंगाराचा दर ठरविण्यापासून निवीदा मागविण्यापर्यंत आलेल्या कंपन्यांवर संशय स्थायी समिती अध्यक्ष यशवंत जाधव यांनी व्यक्त केला. निवीदा ठरविण्यापासून निवीदा प्रक्रियेत सहभागी झालेल्या कंपन्यांचे पत्ते आजूबाजूचेच आहेत. असा त्यांना आरोप आहे.

साकिनाका येथील या कंपन्यांची नोंदणी असल्याचा आरोप जाधव यांनी केला असून या बाबत त्यांनी आयुक्त इक्‍बाल सिंह चहल यांना पत्र पाठवून कारवाई करण्याची मागणी केली आहे.हा घोटाळा फक्त भंगारा पुरता मर्यादित नाही.तर,वाहानतळांचे कंत्राट घेण्या बरोबरच जुन्या इमारती पाडण्यातही या बंधूंचे राज आहे.असा आरोपही त्यांनी केला आहे. महानगर पालिका निवडणुक फेब्रुवारी 2022 मध्ये होणार आहे.या निवडणुकीत भाजप मुंबई महानगर पालिकेतील घोटाळ्यांवरुन शिवसेनेला अडचणीत आणणार आहे.

त्यातच आता शिवसेनेचे हा बंधूराज उघड केला आहे.त्यामुळे हा घोटाळा उकरुन शिवसेनेचा फायदा होणार का तोटा हे निवडणुकीतच ठरेल.मात्र,आमची बांधिलकी नागरीकांशी आहे.करदात्यांच्या पैशाचा वापर योग्य पध्दतीने व्हावा ही जबाबदारी मतदारांनीच सोचवली आहे.असे यशवंत जाधव यांनी नमुद केले. जुन्या इमारती पाडण्यासाठी प्रामुख्याने पाडकाम करणार कंत्राटदार खासगी विकसकांना पैसे देतो.

मात्र, महानगर पालिका कुलाबा येथील सफाई कामगारांच्या वसाहतीतील जुन्या इमारती पाडण्यासाठी कंत्राटदारला तब्बल 38 कोटी रुपये मोजणार आहे. हा प्रस्ताव बुधवारी स्थायी समितीत मंजूर झाला.त्यावर भाजपचे भालचंद्र शिरसाट यांनी आक्षेप नोंदवला.मुळात अशा इमारती पाडण्यासाठी कंत्राटदार विकसकाला पैसे देतो.यातून मोठ्या प्रमाणात भंगार सामान मिळते.लोखंडे जुने लाकडी सामानाची किंमत जास्त असते.पण,पालिकेत उलटी गंगा वाहात आहे.असा आरोप शिरसाट यांनी केला.