नवी मुंबई : लाच मागितल्याप्रकरणी दोन पोलिसांवर गुन्हा | Bribe Crime update | Sakal
sakal

बोलून बातमी शोधा

Bribe crime

नवी मुंबई : लाच मागितल्याप्रकरणी दोन पोलिसांवर गुन्हा

नवी मुंबई : अमली पदार्थ विरोधी पथकातील (NCB) आणखी दोघा पोलिस कर्मचाऱ्यांनी पान मसाला विक्रेत्याकडे गुटखा आणि पान मसाल्याचा धंदा सुरू ठेवण्यासाठी दरमहा १५ हजार रुपये लाचेची मागणी (Bribe crime) केल्याचे उघडकीस आले आहे. त्यामुळे एसीबीने (ACB) या दोन पोलिस कर्मचाऱ्यांविरोधात गुन्हा दाखल (police FIR) केला.

हेही वाचा: नवाब मलिक म्हणतात 'तो' दाढीवाला हाच का?

या कारवाईत गुन्हा दाखल करण्यात आलेल्यांमध्ये पोलिस शिपाई बाबासाब मधु सांगोलकर व पोलिस हवालदार इक्बाल बशिर शेख या दोघांचा समावेश असून हे दोघेही नवी मुंबई पोलिसांच्या अमली पदार्थ विरोधी पथकात कार्यरत आहेत. या प्रकरणातील तक्रारदार मोहम्मद फैज निजामुद्दीन सय्यद हा सीवूड्स मध्ये राहाण्यास असून त्याचा पान मसाला व गुटखा विक्रीचा व्यवसाय आहे.

अमली पदार्थ विरोधी पथकाला याबाबतची माहिती मिळाल्यानंतर या पथकातील पोलिस कर्मचारी सांगोलकर आणि शेख या दोघांनी मोहम्मद फैज याला पान मसाल्याचा व्यवसाय पुढे सुरू ठेवण्यासाठी वरिष्ठ अधिकाऱ्याला दरमहा १५ हजार रुपये द्यावे लागतील, असे सांगितले होते. त्यामुळे मोहम्मद फैज याने लाच प्रतिबंधक विभागाकडे तक्रार दाखल केली होती.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Navi Mumbai
loading image
go to top