दीड महिन्यापासून बेपत्ता मुलाचा मृतदेह आढळला पाण्याच्या टाकीत; भिवंडीतील धक्कादायक घटना

भिवंडी : दीड महिन्यापासून भिवंडीतून बेपत्ता झालेल्या एका सातवर्षीय मुलाचा मृतदेह शहरातील भोईवाडा भागातील समरुबाग कम्पाऊंडच्या एका इमारतीतील पाण्याच्या टाकीत आढळून आला आहे. गुरुवारी (ता. 7) उशिरा हा प्रकार उघड झाला. या घटनेमुळे परिसरात खळबळ माजली आहे.भोईवाडा पोलिसांनी मृतदेह शवविच्छेदनासाठी पाठवला असून तपास सुरू केला आहे. 

मुंबई परिसरातील बातम्यांचा आढावा घेण्यासाठी येथे क्लिक करा

आहत (7) असे मृत मुलाचे नाव असून तो 25 नोव्हेंबरला बेपत्ता झाला होता. या प्रकरणी भोईवाडा पोलिस ठाण्यात मुलगा हरवल्याची तक्रार दाखल करण्यात आली होती. त्यामुळे पोलिसांनी शोध सुरू केला होता. दरम्यान, या परिसरात गुरुवारी सायंकाळी उशिरा परिसरातील काही मुले या ठिकाणी क्रिकेट खेळत होती, त्या वेळी चेंडू पाण्याच्या टाकीत पडला असता, ही घटना उघड झाली आहे. पोलिसांनी मृतदेहाचा सांगाडा बाहेर काढून रुग्णालयात शवविच्छेदनासाठी पाठवला आहे. या प्रकरणी पोलिस निरीक्षक शंकर इंदलकर पुढील तपास करीत आहेत. 

The body of a boy who had been missing for a month and a half was found in a water tank Shocking incident in Bhiwandi

------------------------------

( संपादन - तुषार सोनवणे )